Banebrytande forskarar får 203 millionar kroner

–  For å ta Noreg vidare er vi avhengig av  forsking som spring ut av nysgjerrigheit og drivkraft hos dei dyktigaste forskarane våre. Prosjekta som får støtte no, er heilt i forskingsfronten innanfor sine felt. Dei aukar kvaliteten og breidda i norsk forsking. Slik bygger vi kunnskap som gjer samfunnet betre rusta for framtida, seier forskings- og høgare utdanningsminister Sigrun Aasland (Ap).

Dei 112 søknadene som er vurderte i denne søknadsrunden, blei sende inn til Forskningsrådet si ordning for banebrytande forsking, FRIPRO, frå desember 2024 til september 2025. No får 19 av dei finansiering.

– Ved å satse på den aller beste forskinga, blir vi som samfunn betre i stand til å møte nye utfordringar på ein nyskapande og kunnskapsbasert måte. Forskinga som får midlar i dag held topp kvalitet og er ei investering i vår nasjonale kunnskapsberedskap, seier administrerande direktør i Forskingsrådet Mari Sundli Tveit.

Her er nokre av prosjekta som får pengar

Fullstendig liste over alle prosjekta som får støtte finn du nedst i saka.

Kan genterapi mot artrose hjelpe kroppen til å reparere seg sjølv?

Ein erfaren forskar ved Oslo universitetssjukehus får nær 12 millionar kroner for å teste ein ny genterapi mot artrose, også kalla slitasjegikt. I dag finst det ingen kur mot artrose. Behandlinga kan bremse skadar, dempe heving og hjelpe kroppen til å reparere seg. Seksten personar med artrose skal vere med og prøve behandlinga. Dersom genterapien viser seg å vere effektiv og trygg, kan ho bli eit viktig verktøy for å hjelpe menneske med tidleg artrose og forbetre livskvaliteten.

Påverkar møtet med ulike dialektar evna til barn å lese og forstå tekst?

Ein forskar tidleg i karrieren ved Høgskulen i Volda får 10 mill. kroner for å undersøke barn og unge sine møte med dialektvariasjon i skrift og tale, gjennom spørjeundersøkingar og ved å måle hjerneaktivitet og augerørsler. Målet er å utvikle kunnskap og strategiar som styrker leseopplæringa i eit språkmangfaldig Noreg.

Kan kreftceller triggast til å gje eit signal som aktiverer immunforsvaret vårt?

Ein forskar tidleg i karrieren ved Oslo universitetssjukehus får 10 mill. kroner for å utvikle eit verktøy som kan måle såkalla dobbelttråda RNA i kreftceller. Målet er å avsløre skjulte sårbarheiter i kreftcellene og bane veg for smartare RNA-drivne kreftterapiar.

Korleis har mennesket si forståing av vald endra seg gjennom historia?

Ein forskar tidleg i karrieren ved Universitetet i Agder får 10 mill. kroner for å undersøke korleis krig, konflikt og ekstrem vald blei framstilt i gamle jødiske skrifter. Kva haldningar var knytte til «akseptabel» og «uakseptabel» krigføring? Er det mogleg å lese slike gamle tekstar på deira eigne premissar, ikkje gjennom normer og tankemønster frå vår tid?

Kan vi hindre medfødde hjartefeil og utviklingsforstyrringar i hjernen alt under svangerskapet?

Medfødde hjartefeil og utviklingsforstyrringar i hjernen opptrer ofte saman tidleg i barndomen. Ein forskar tidleg i karrieren ved Helse Bergen HF får 10 mill. kroner for å redigere risikogen i stamcellemodellar og «lese» cellene sine molekylære aktivitetar. Kunnskapen kan gje tidlegare og betre diagnosar, meir treffsikre risikovurderingar – og på sikt målretta tiltak alt i svangerskapet.

Kan elektrisk straum gjennom material redusere klimaavtrykket til kjøleskap?

Ved å la straum gå gjennom eit materiale er det mogleg å frakte bort varme. Problemet er at ingen slike termoelektriske material som finst i dag, er særleg effektive. Forskarar ved Sintef får 12 mill. kroner for å finne ut korleis ein kan framstille material med større evne til å leie bort varme, slik at denne teknologien kan brukast til meir energieffektiv og miljøvennleg kjøling.

Oversikt over alle prosjekta som får støtte

Hovudorganisasjon	Prosjekttittel	Søkt totalt
UNIVERSITETET I OSLO	Rule of Law and the Public Sense of Justice in Norway - International Conventions and National Norms in a Time of Crisis (PublicJustice)	12000
UNIVERSITETET I OSLO	Coastal Lives in Flux: Environmental Crisis, Resistance, and Ritual Innovation Across Asia (CLiF)	12000
OSLO UNIVERSITETSSYKEHUS HF	A phase I/II study to investigate if gene therapy can prevent the development of severe osteoarthritis	11960
UNIVERSITETET I OSLO	Deciphering the crosstalk between autophagy and metabolic rewiring in cancer	12000
SINTEF AS	Novel materials for low-temperature thermoelectric cooling (Nomatec)	12000
NORCE RESEARCH AS	Unravelling the microbial diversity within halite	12000
UNIVERSITETET I BERGEN	Deciphering Nutrient Uptake Mechanisms in Salmon Louse Oocytes for Gene Editing and Treatment Development	12000
Hovudorganisasjon	Prosjekttittel	Søkt totalt
UNIVERSITETET I AGDER	Analysing violent variations in ancient Jewish narrative	9792
OSLO UNIVERSITETSSYKEHUS HF	Discovering vulnerabilities in colorectal cancer by measuring double stranded RNA	9994
UNIVERSITETET I OSLO	Resolving the Solar Convective Conundrum: A Full-Physics Approach to Solar Convection	10000
HELSE BERGEN HF	Decoding Developmental Convergence: Mapping Genetic Risk Across Neural and Cardiac Lineages	9999
UNIVERSITETET I TROMSØ - NORGES ARKTISKE UNIVERSITET	Label-free on-chip morpho-molecular tomography for decoding real-time intracellular dynamics of organelles in autophagy	10000
UNIVERSITETET I OSLO	Mitochondria-Initiated Neuronal Defense against Parkinson’s Disease	10000
NORCE RESEARCH AS	Reforming for efficiency? Examining case processing times in the Norwegian District Courts	9990
HØGSKULEN I VOLDA	Multilectal Individual Differences in Reading: Neurocognitive and Behavioral Effects of Dialect Exposure on Literacy Development	9957
UNIVERSITETET I OSLO	Intensionality and Forcing: A New Model-Theoretic Synthesis	6937
UNIVERSITETET I OSLO	HotSpot: Stress-induced mutations in evolution	10000
UNIVERSITETET I OSLO	Technological Change, Labor Representation, and Job Quality: A Comparative Historical Analysis, c. 1830–1980	10000
Hovudorganisasjon	Prosjekttittel	Søkt totalt
UNIVERSITETET I OSLO	Advanced Measurements In Carbon-fusion Reactions: Cross-Section Measurements and Branching Ratios	7399