Meland kjem frå stillinga som ekspedisjonssjef i forskings- og innovasjonsavdelinga i Nærings- og fiskeridepartementet, kor ho har jobba sidan starten av 2018. Før det har ho lang fartstid frå Helse- og omsorgsdepartementet, kor ho var ekspedisjonssjef i spesialisthelsetenesteavdelinga frå 2011 til 2018.

Meland har gjennomført AFF leiarutviklingsprogram (Solstrandprogrammet) og deltok i 2024 på sjefskurset til Forsvarets høgskole.

Mellom 2004 og 2011 var Meland avdelingsdirektør i seksjon for finansiering og styring i Helse- og omsorgsdepartementet. Ho har også bakgrunn frå Finansdepartementet.

Ho er utdanna cand. polit. med hovudfag i samanliknande politikk frå Universitetet i Bergen.