Eli Telhaug ny departementsråd i Arbeids- og sosialdepartementet
Historisk arkiv
Publisert under: Regjeringen Solberg
Utgjevar: Arbeids- og sosialdepartementet
Pressemelding | Nr: 6 | Dato: 01.04.2016
Eli Telhaug (53) vart i statsråd i dag utnemnd til ny departementsråd i Arbeids- og sosialdepartementet. Telhaug tek over etter Ellen Seip som går av med pensjon.
Eli Telhaug kjem frå stillinga som departementsråd i Barne- og likestillingsdepartementet der ho har vore sidan 2012.
Ho har tidlegare vore assisterande departementsråd i Kunnskapsdepartementet, og har arbeidd både ved Statsministerens kontor og i Finansdepartementet. I Finansdepartementet arbeidde ho frå 1987 til 2007, mellom anna som avdelingsdirektør og ekspedisjonssjef.
– Eli Telhaug har solid innsikt i administrativ leiing av eit departement. Med hennar breie erfaring og forståing for prosessar i departementa, er eg trygg på at ho vil gjere ein god jobb som departementsråd, seier arbeids- og sosialminister Anniken Hauglie.
Eli Telhaug er utdanna siviløkonom frå Norges Handelshøyskole. Telhaug tiltrer frå den dato departementet avgjer.
