Utvalde hurtiglenker

    Nyheiter

    Endringar i lovar og forskrifter frå 1. januar 2026 frå Kultur- og likestillingsdepartementet

    Nyheit | Dato: 22.12.2025 | Kultur- og likestillingsdepartementet

    Oversyn over regelendringar frå 1. januar 2026 på Kultur- og likestillingsdepartementet sitt ansvarsområde.

    Ny arkivlov og arkivforskrift

    Den nye arkivlova skal medverke til ei forsvarleg og etterretteleg offentleg forvaltning og stiller krav til korleis dokumentasjon skal takast vare på. Den nye lova vidarefører hovudtrekka i gjeldande rett, men er tilpassa moderne dokumentasjonsforvaltning. Verkeområdet blir utvida, og Arkivverket endrar namn til Nasjonalarkivet.

    Lova tek til å gjelde 1.1.2026, med unntak av § 11 om vilkår for utførsle og lagring av arkiv utanfor Noreg. Reglane om utførsle av arkiv i lov 4. desember 1992 nr. 126 om arkiv § 9 bokstav b held fram med å gjelde inntil vidare.

    Departementet har fastsett forskrift til lova, som òg tek til å gjelde 1.1.2026. Den nye arkivforskrifta har detaljerte reglar om forvaltninga av dokumentasjon og arkiv, reglar om journalføring, tekniske reglar om avleveringa av statlege arkiv til Nasjonalarkivet, reglar om handsaming av personopplysningar og reglar som gjeld ved omorganiseringar i offentleg sektor.

    Ny forskrift om tilskot til samiske nyheits- og aktualitetsmedium

    Den nye forskrifta opnar for at også digitale medium kan få støtte, og innfører nye kriterium for korleis tilskot blir rekna ut, mellom anna ved å ta omsyn til talet på eigenproduserte saker og digitale abonnement.

    Forskrifta trer i kraft 1.1.2026.

    Ny forskrift om meirverdiavgiftskompensasjon til frivillige organisasjonar

    Meirverdiavgiftskompensasjonsordninga skal fremme frivillig aktivitet. Ordninga skal kompensere for kostnadar som frivillige organisasjonar har til meirverdiavgift ved kjøp av varer og tenester. Formålet med endringane er at det skal bli enklare for lag og foreiningar å søke momskompensasjon. Det er samstundes gjort presiseringar i forskrifta slik at denne skal bli lettare å forstå.

    Forskrifta trer i kraft 1.1.2026.

     

    Ny forskrift om Fond for lyd og bilde

    Den mest vesentlige endringen er at kravet til at søkerne må bo- og virke i Norge endres til at søkerne må bo- og virke i et land innenfor EØS-området. Dette er et grep departementet må gjøre for følge EØS-avtalen. I tillegg rydder og forenkler den nye forskriften reglene om forvaltningen av fondet.

    Forskrifta trer i kraft 1.1.2026.

    Endringar i kringkastingsforskriften

    Endringane inneber at fotball-EM og -VM for kvinner og handball-EM og -VM for menn blir førte opp på lista over hendingar med vesentleg samfunnsmessig betydning i kringkastingsforskriften § 5-1.

    Forskrifta trer i kraft 1.1.2026.

    Endringar i forskrift om Norsk Tippings overskot til samfunnsnyttige- og humanitære organisasjonar  

    Lotteri- og stiftelsestilsynet gis heimel for å gjere gjenbruk av dei same frådrag som i meirverdiavgiftskompensasjonsforskrifta. Dette er i tråd med gjeldande forvaltningspraksis.

    Endringane trer i kraft 1.1.2026.

    Til toppen