Noreg og EU inviterer til energikonferanse 24. oktober
Nyheit | Dato: 11.10.2023 | Energidepartementet
Den 6. energikonferansen i regi av Noreg og EU blir arrangert i Brussel tysdag 24. oktober. Olje- og energiminister Terje Aasland og EUs energikommissær Kadri Simson er vertskap for konferansen.
Noreg samarbeider tett med EU og er ein stor leverandør av energi til Europa. Gjennom EØS-avtalen deltek Noreg i EUs indre energimarknad.
Noreg og EU har jamleg arrangert felles energikonferansar, og den sjette i rekkja finn stad 24. oktober 2023 på Thon Hotel Brussels City Centre.
Energikonferansen vil handle om ei rekkje tema på energiområdet; utviklinga av den europeiske kraftmarknaden, gass, hydrogen og karbonfangst, -utnytting og -lagring (CCUS).
Meir informasjon om programmet og påmelding er tilgjengeleg på Europakommisjonens nettsider:
Fristen for påmelding er 20. oktober 2023.