Forskrifta regulerer den delen av Norsk Tippings overskott som går til kulturformål. Med forskrifta blir prinsippa for fordeling av midla gjort tydelege, i tråd med pengespellova § 12.

Forslaget til forskrift har vore på høyring, og departementet fekk 69 høyringssvar. Svara viser brei støtte til både behovet for ei forskrift og hovudinnretninga av forslaget.

Innspela viser samstundes eit breitt engasjement for fordeling av midla.

Departementet har gjort ei justering som følgje av høyringsinnspela, ei presisering i § 3 bokstav b: uttrykket «kulturtiltak for barn og unge» blir endra til «kulturaktivitet for og med barn og unge». Fleire innspel understreka at barn og unge sjølv bidrar til kulturaktivitet – som arrangørar, utøvarar og medskaparar. Formuleringa «for og med» gjer det tydeleg at forskrifta skal omfatte aktivitet der barn og unge har reell deltaking og medverknad, ikkje berre aktivitet som er retta mot dei som målgruppe.

Forskrifta fastset at midla skal bli fordelt til fire formål:

  1. kulturfrivillighet 

  2. kulturaktivitet for og med barn og unge, herunder Den kulturelle skolesekken og Frifond 

  3. kulturarenaer og utstyr 

  4. andre kulturformål, hovedsakelig rettet mot barn og unge

Desse kategoriane byggjer på etablerte prioriteringar i kulturpolitikken og prinsippa i pengespellova. Kulturfrivilligheita er eit prioritert formål i forskrifta. Dette reflekterer ei prioritering av frivillig engasjement i kultursektoren. Spelemidla har historisk vore ei sentral kjelde til finansiering for frivilligheita, og forskrifta skal sikre føreseielege rammer for drift, aktivitet og organisasjonsutvikling.

Forskrifta vidarefører gjeldande praksis for kontroll med og oppfølging av tilskott.