Regjeringa har varsla at dei vil søke brei einigheit i Stortinget om Helsepersonellplan 2040 som skal sikre tilstrekkeleg helsepersonell og effektiv ressursbruk for framtida. Ein god dialog med partane er viktig i dette arbeidet, og det er bakgrunnen for at Vestre har invitert til innspelsmøtet. 

Kvar av aktørane er bedne om å legge fram tre hovudutfordringar, presentere tiltak som kan bidra til å løyse utfordringane og talfeste korleis tiltaka vil bidra til å dekke etterspurnaden etter arbeidskraft. 

Tid: Tysdag 4. november kl 10.00–11.30
Stad: Marmorhallen, Kongens gate 18 i Oslo

Deltakarar frå pressa kan melde seg på til kommunikasjonsrådgjevar Elisabeth Johansen, e-post elisabeth.johansen@hod.dep.no / mobil 996 07 525. 

Dørene opnar klokka 09.30. Presse og inviterte deltakarar må vise fram gyldig legitimasjon for å kome inn. Gyldig legitimasjon er pass, nasjonalt id-kort eller førarkort (ikkje digitalt).