Klima- og miljøministeren til Flåm

Fredag 9. mai besøker klima- og miljøminister Andreas Bjelland Eriksen Flåm. Her skal han mellom anna møta lokale innbyggjarar, organisasjonar og andre interesserte til folkemøte om tiltaksplan for villrein i Nordfjella villreinområde.

– Skal vi redde villreinen, må mange gode krefter dra i same retning. Då er det heilt avgjerande at tiltaksplanane har god forankring lokalt. For å sikra breitt engasjement i det vidare arbeidet med planane oppmodar eg alle som har synspunkt på framtida til villreinen i Nordfjella til å vere med på folkemøtet i Flåm, seier klima- og miljøminister Andreas Bjelland Eriksen.

• Les meir om folkemøtet

Under besøket skal klima- og miljøministeren også leggja ned første stein i bygginga av landstraumanlegg i Flåm. I fjor vart det kjent at regjeringa innfører krav om nullutslepp i verdsarvfjordane Vestnorsk fjordlandskap. I statsbudsjettet for 2025 er det løyvd 100 millionar kroner i støtte til å etablera eit landstraumanlegg i Flåm, som Enova har fått eit særskilt oppdrag om å administrera.

– Grunnsteinsneddleggingen blir ein viktig milepæl på vegen mot å få realisert landstraum i Flåm og målet vårt om nullutslepp i verdsarvfjordane. Aurland hamnevesen og Flåm sitt arbeid for å realisera dette anlegget bidreg til ein klimavennleg cruisetrafikk i fjordane, og eg ser fram til å følgja med på dette prosjektet som staten har gitt betydeleg finansiell støtte til, seier klima- og miljøministeren.

Klima- og miljøministeren skal også innom Flåmsbana, Otternestunet, og dessutan få ei orientering om flaumsikring i Flåmselva under besøket.

For presseførespurnader, kontakt pressekontakt Katinka Vaag Prestøy på tlf. 91153671 eller katinka-vaag.prestoy@kld.dep.no.