Langskip-prosjektet er klart til å setjast i drift
Nyheit | Dato: 09.06.2025 | Sist oppdatert: 11.06.2025 | Energidepartementet
Noregs største klimasatsing og Europas første komplette verdikjede for karbonhandtering, Langskip, er klar til å setjast i drift. Det skal markerast i Oslo og Brevik 17. og 18. juni 2025.
Langskip-prosjektet er eit viktig nybrottsarbeid innan klimateknologi, og tysdag 17. juni blir det arrangert ein internasjonal høgnivåkonferanse om karbonhandtering på Operaen i Oslo. Onsdag 18. juni skal verdas første karbonfangstanlegg i sementindustrien opnast med ein formell seremoni ved sementfabrikken til Heidelberg Materials i Brevik. Kronprins Haakon er til stades begge dagar.