Klonbanken ved NIBIO Landvik skal ta hand om 160 unike klonar av grønsaker i tillegg til 120 unike klonar av urter som vert lagra ved NIBIO Apelsvoll på Toten.

Raudt hus med planter framføre
NIBIO sin forsøksgard på Landvik får ansvar for å bevare det genetiske mangfaldet i grønsaker og urter i Noreg. Foto: Lars T. Havstad NIBIO

Klimaendringar, nye sjukdommar og variable forbruksmønster kan raskt endre kva slags artar og eigenskapar som blir etterspurde. For å kunne møte desse utfordringane, må vi bevare det genetiske mangfaldet.

Planter som blir formeira ved kloning blir bevarte som levande planter i feltsamlingar. Jordskokk, peparrot, lauk og rabarbra er nokre døme på klonformeira grønsaker. Alle er grønsaker som har lang dyrkingshistorie i Noreg. Det same gjeld urter og aromatiske planter som humle, ramslauk, reinfann og bergmynte.

Noreg har forplikta seg til internasjonale avtalar og nasjonale strategiar for å vareta genetiske ressursar for mat og landbruk.