Stornes Nordtug kjem frå stillinga som konstituert ekspedisjonssjef i avdeling for høgare utdanning, forsking og internasjonalt arbeid i Kunnskapsdepartementet. I perioden oktober 2020 – februar 2025 var ho avdelingsdirektør ved seksjon for budsjett og samordning i same departement.

Frå august 2019 til oktober 2020 var Stornes Nordtug spesialutsending for forsking og innovasjon hjå Noregs EU-delegasjon i Brussel, og i perioden januar 2010 – juli 2019 var ho seniorrådgjevar i eigarskapsavdelinga i Kunnskapsdepartementet.

Av utdanning har Stornes Nordtug ein mastergrad i samanliknande politikk frå Universitetet i Bergen frå 2007.

Avdeling for samfunnstryggleik og internasjonalt samarbeid er ei nyoppretta avdeling i Helse- og omsorgsdepartementet, som skal samordne oppgåver innan tryggleik, beredskap og internasjonalt samarbeid på helseområdet. Den består av to seksjonar: seksjon for tryggleik og beredskap og seksjon for internasjonalt samarbeid.

Stornes Nordtug trer inn i stillinga som ekspedisjonssjef frå det tidspunktet departementet bestemmer.