Kompensasjonen skal tilsvare 95 prosent av produktet ein får ved å multiplisere det avviste volumet med noteringsprisen same veka som lauken vart pak­ka. Dette gjeld berre lauk til konsummarknaden. For å kunne få kompensasjon, må kadmiuminnhaldet i lauken vere høgare enn grensever­dien som gjeld frå 1. juli 2026, men lågare enn grenseverdien som gjaldt før dette tidspunktet. Det inneber at lauk med eit kadmiuminnhald, som svarar til eller er over dei gamle grenseverdiane, ikkje er omfatta. Ordninga gjeld lauk som er produsert i 2026. For lauk som ligg på lager, vil prøve­takin­ga og avvisinga kunne skje utover vinteren og våren 2027.

Partane i jordbruksoppgjeret i år vart samde om å vidareføre kompensasjonsordninga også for vekstsesongen 2027, men under føresetnad av at risi­koreduserande tiltak, som til dømes kalking, er gjen­nom­ført. Depar­tementet tek sikte på å kome tilbake med den nærmare utforminga av ei slik ordning innan utgangen av året.

Kadmium er eit tungmetall som finst naturleg i jorda i område som er rikt på alunskifer. Dette gjeld primært laukproduksjonen i om­råda rundt Mjøsa.