Nytt styre i Domstoladministrasjonen

– I Noreg verdset vi rettstryggleik høgt. Domstoladministrasjonen er eit uavhengig forvaltningsorgan med eige styre, som skal ivareta og støtte opp under domstolane og dommarane si sjølvstende. Styret skal sjå til at den administrative leiinga av domstolane skjer på ein forsvarleg og god måte. Eg ynskjer det nye styret lykke til med oppdraget, seier justis- og beredskapsminister Astri Aas-Hansen (Ap). 

Styret er øvste styremakt for Domstoladministrasjonen. Det behandlar saker som er viktige for Domstoladministrasjonen, som til dømes budsjettforslag for domstolane. Styret skal også gi generelle retningslinjer for Domstoladministrasjonen si verksemd.

For perioden 1. august 2025 til og med 31. juli 2029 er følgande oppnemnt: 

Leiar: Tingrettsdommar Tor Christian Carlsen, Time  

Medlem: Høgsterettsdommar Espen Bergh, Oslo (ny) 

Medlem: Jordskifterettsleiar Arnulf Oleif Prestbakbo, Harstad  

Medlem: Førstestatsadvokat Ingvild Thorn Nordheim, Molde  

Varamedlem: Sorenskrivar Robert Versland, Kvinesdal (ny) 

Varamedlem: Høgsterettsdommar Thom Arne Hellerslia, Oslo (ny) 

Varamedlem: Jordskifterettsleiar Asbjørn Rogne, Haram (ny) 

Varamedlem: Førstestatsadvokat Anne Margrete Katteland, Drammen (ny) 

Stortinget vel i tillegg to medlemar og varamedlemar. Sjå innstillinga frå Stortingets presidentskap finn du her (stortinget.no) 

Styret er samansett av ni medlemar med varamedlemar. Ei samla oversikt over styret finn du her (domstol.no)