Nytt styre i Nordnorsk Kunstmuseum
Nyheit | Dato: 23.02.2024 | Kultur- og likestillingsdepartementet
Kultur- og likestillingsdepartementet har oppnemnt nye medlemmar til styret for Nordnorsk Kunstmuseum for perioden 2024-2027. Christin Kristoffersen blir ny leiar for styret.
– Vi meiner dette gir Nordnorsk Kunstmuseum eit svært kompetent og breitt samansett styre, med erfarne og kunnskapsrike medlemmar til nytte for institusjonen og til glede for kunstinteresserte i heile landsdelen, seier kultur- og likestillingsminister Lubna Jaffery.
Dei statleg oppnemnde medlemmane i styret er:
|
Styreleiar |
Christin Kristoffersen (ny) |
Oslo |
f. 1973 |
|
Styremedlem |
Ole-Jonny Korsgaard |
Harstad |
f. 1961 |
|
Styremedlem |
Svein Bjørkås (ny) |
Vestvågøy |
f. 1953 |
|
1. varamedlem |
André Wallann Larsen (ny) |
Bodø |
f. 1977 |
|
2. varamedlem |
Marija Griniuk (ny) |
Karasjok |
f. 1984 |
|
3. varamedlem |
Åsunn Lyngedal (ny) |
Narvik |
f. 1968 |
Nordnorsk Kunstmuseum (NNKM) i Tromsø når publikum i heile den nordlege landsdelen, og har ei samling på over 2 225 verk av kunstnarar frå 1600-tallet til i dag. Museet har dessutan programmeringsansvar for Nordover Kunstsenter på Svalbard, er nøkkelpartnar i kunstnarresidensen Artica Svalbard, og opnar NNKM Bodø i 2024.