Maksimalsatsen for kjøt av storfe og kalv blir sett ned frå 5,00 kroner per kg til 4,00 kroner per kg. Satsen for maksimal avgift for kjøt av sau/lam auka frå 2,50 kroner per kg til 3,00 kroner per kg, medan maksimal sats for omsetningsavgifta for svin vert redusert frå 2,50 kroner per kg til 1,50 kroner per kg. Dei planlagde reelle satsane som marknadsregulator nyttar gjennom året vil ligge på eller lågare enn maksimalsatsane.

For egg blir satsen redusert frå 0,90 kroner per kg til 0,80 kroner per kg frå 1. januar, medan omsetningsavgifta for kjøt av kylling og kalkun blir redusert med to øre til 24 øre per kg.

Satsen for omsetningsavgift for mjølk blir auka frå 9 øre per liter til 10 øre per liter. Satsen for overproduksjonsavgift for ku- og geitemjølk er vidareført på 4,90 kroner per kg.  

Omsetningsavgiftene er fastsett i tråd med tilrådingane frå Omsetningsrådet.

– Marknadssituasjonen for kjøt har gått frå fleire år med overskott og høge kostnader til marknadsregulering. Det gjev grunnlag for lågare nivå på omsetningsvgiftene neste år. Det er gledeleg, seier Landbruks- og matminister Nils Kristen Sandtrøen.

Omsetningsavgiften er ei avgift som blir lagt på produsentane sin salsproduksjon og går inn i fondet for omsetningsavgift. Omsetningsrådet styrer bruken av fondet og set av midlar til å fremje omsetninga gjennom finansiering av marknadsregulering, faglege tiltak og opplysningsarbeid.