Per Olav Skurdal Hopsø er ny statssekretær
Nyheit | Dato: 15.12.2023 | Arbeids- og inkluderingsdepartementet
Per Olav Skurdal Hopsø kjem frå Melhus og har fram til no vore gruppeleiar for Arbeidarpartiet i Trønderlag fylkeskommune.
Hopsø ble fredag i statsråd utnemnt til ny statssekretær for arbeids- og inkluderingsminister Tonje Brenna (Ap).
– Eg gler meg veldig til å få jobba med eit felt som betyr mykje for så mange. At alle som skal ha ein jobb i eit trygt og godt arbeidsliv er noko av det viktigaste vi som politikarar skal bidra til, seier Hopsø.
Nye moglegheiter
Hopsø er utdanna laborant med fagbrev i laboratoriefaget og har seinare tatt ein bachelor ved NTNU.
Han har før han vart folkevalt på heiltid jobba han som lærling og ingeniør ved Veterinærinstituttet i Trondheim i fire år, ungdomssekretær, distriktriktssekretær og rådgivar i LO i Sør-Trønderlag og ein kort periode ved Arbeiderpartiets kontor på Youngstorget.
– Eg skal bidra så godt eg kan saman med ein veldig dyktig statsråd i Tonje Brenna, som eg verkeleg ser fram til å jobbe for, seier Hopsø.
