• Tid: Torsdag 23. april kl.10-11
  • Stad: Universitetsbiblioteket, Universitetet i Oslo, Moltke Moes vei 39

Fristen for å søke var 15. april, og torsdag 23. april blir det kjent kva trendar vi ser blant søkarane i år. Er det fleire eller færre enn i fjor som har søkt? Kva for utdanningsområde har størst vekst, og kva for utdanningsområde har størst nedgang?

Pressekonferansen er på Universitetet i Oslo. Direktør i Direktoratet for høgare utdanning og kompetanse, Sveinung Skule, presenterer søkartala. Forskings- og høgare utdanningsminister Sigrun Aasland kommenterer tala, før det blir tid for individuelle intervju.

Pressa er velkomen og det blir høve til å intervjue statsråden og Skule.

Kontaktperson for spørsmål, og påmelding for pressa: kommunikasjonsrådgivar i Kunnskapsdepartementet Anneline Svensen 924 17 351 eller e-post anneline.svensen@kd.dep.no 

Strøyming 

Arrangementet blir filma av Digitaliseringsorganisasjonen til departementa(DIO) og kan følgjast direkte på denne sida. Her kan også videofila lastast ned i etterkant. DIO distribuerer publiseringspunkt til media som vil sende arrangementet direkte. DIO kan kontaktast på telefon 22 24 88 45 eller e-post dio-videoproduksjon@dio.dep.no.

Presse som ønskjer å bygge inn nett-tv-sendinga på sine nettsider finn embed-kode ved å trykkje «Del video»-knappen i videospelaren på sida.