– Arbeidarparti-regjeringa vil oppretthalde og skape eit rikt og profesjonelt kulturtilbod i heile landet. Då er det viktig med gode kulturarenaer og møteplassar. Derfor har vi i dette budsjettet prioritert fem nye kulturbygg-prosjekt, seier kultur- og likestillingsminister Lubna Jaffery (Ap).

Dei nye prosjekta er:

  • 23,5 millionar kroner til Det Norske Teatret - rehabilitering, fase 1
  • 64,6 millionar kroner til Kunstnernes hus, Oslo - rehabilitering og universell utforming
  • 68 millionar kroner til Musea i Sør-Trøndelag, bevaringssenter
  • 9 millionar kroner til Nordlandsmuseet - revitalisering av Hamsunsenteret
  • 10 millionar kroner til Fjaler kommune - Samvirket visningsrom for scenekunst

Tilleggsløyvingar:

  • 2,8 millionar kroner til Østfoldmuseene - St. Olavs Vold. Prosjektet har tidlegare fått tilsegn om 11,8 millionar kroner.
  • 7 millionar kroner til Helgeland museum - nybygg Sjøgata. Prosjektet har tidlegare fått tilsegn om 32,5 millionar kroner.

Dette kjem i tillegg til ordinære løyvingar til prosjekt som allereie er i gang. Totalt er det også ei tilsegnsfullmakt på 452 millionar kroner til utbetaling i seinare år, slik at totalen blir på meir enn 826 millionar kroner.