Statsbudsjettet 2026:
Regjeringa sikrar full momskompensasjon til frivillige organisasjonar for 2026
Nyheit | Dato: 20.11.2026 | Kultur- og likestillingsdepartementet
Arbeidarparti-regjeringa har i nysalderinga av statsbudsjettet for 2026 foreslått å tilføre 70 millionar kroner til ordninga for å sikre full momskompensasjon i 2026. Regjeringa sikrar med dette full momskompensasjon for sjette år på rad.
Frivillige organisasjonar har søkt om kompensasjon på til saman 3,2 milliardar kroner i 2026. Søknadene er basert på rekneskapstal for 2025. Lotteri- og stiftelsestilsynet, som forvaltar ordninga, har ikkje fullført søknadsbehandlinga enno. Tilleggsframlegget legg til rette for at alle organisasjonane vil få full momskompensasjon av det godkjente søknadsbeløpet.