PISA (Programme for International Student Assessment) måler kompetansen til 15-åringar i lesing, matematikk og naturfag. Undersøkinga gir òg informasjon om andre tilhøve ved skolen, til dømes om elevane sine haldningar og oppfatningane deira om undervising og skolemiljø.

Forskar Fredrik Jensen frå Universitetet i Oslo legg fram hovudfunna frå PISA-undersøkinga 2025. 

Tid: Tysdag 8.september kl. 09.15 – 10.30.

Stad: Marmorhallen, Kongens gate 20, 0153 Oslo

NB! Hugs gyldig ID (pass, nasjonalt ID-kort eller førarkort) og møt opp i god tid. Pressekonferansen startar presis.

Strauming

Pressekonferansen blir strøymd på Kunnskapsdepartementet - regjeringen.no.

Nett-tv Resultata frå PISA-undersøkinga 2025 blir lagt fram

Sjå sendinga her

Sjå sendinga her

Presse som ønskjer å bygge inn nett-tv-sendinga på sine nettsider finn innbyggingskoden ved å trykkje «Del video»-knappen i videospelaren på sida.

Kontakt og påmelding for fysisk frammøte:

Journalistar som ønskjer å delta på pressekonferansen må melde seg til kommunikasjonsrådgjevar Mina Vinje – mina.vinje@kd.dep.no, mobil: 98433700.

Om PISA

Kva er PISA-undersøkinga?

  • PISA (Programme for International Student Assessment) er ei internasjonal undersøking som måler kompetansen til 15-åringar i lesing, matematikk og naturfag.

  • 15-åringane svarer òg på spørsmål om mellom anna haldningar til og oppfatningar av undervisinga og læringsmiljøet ved skulen.

  • PISA blir gjennomført kvart tredje år fram til og med 2025, og resultata blir samanlikna på tvers av land og over tid. Det var planlagt gjennomføring av PISA i 2021, men undersøkinga blei utsett eitt år på grunn av koronapandemien. Framover vil PISA bli gjennomført kvart fjerde år.

  • PISA-undersøkinga blei gjennomført for niande gong i 2025, og 91 land og om lag 760 000 elevar deltok. I Noreg deltok 281 skular og 6469 elevar i 2025.

  • Dei tre fagområda lesing, matematikk og naturfag er med i kvar gjennomføring, men byter på å vere hovudområde. Når eit fag er hovudområde, er det fleire faglege oppgåver og fleire spørsmål knytte til dette faget. Naturfag er hovudområde i PISA 2025. I 2022, 2012 og 2003 var matematikk hovudområde.

  • Kvar elev får to timar til å svare på ei fagleg prøve som inneheld oppgåver i naturfag, lesing og matematikk. I tillegg får elevane 35 minutt til å svare på eit spørjeskjema med spørsmål om heimebakgrunn, interesser, haldningar og meiningane dei har om undervisinga og læringsmiljøet ved skulen dei går på.

  • Prøva inneheld mange av dei same oppgåvene frå gong til gong, slik at vi kan måle endringar i prestasjonane over tid.

  • OECD har det internasjonale ansvaret for PISA. Institutt for lærarutdanning og skuleforsking (ILS) ved Universitetet i Oslo har oppdraget med den praktiske gjennomføringa av PISA-studien i Noreg.

Kva blir målt i PISA, og kvifor?

  • PISA måler kompetansen til 15-åringar i lesing, matematikk og naturfag. For å løyse oppgåvene i PISA-undersøkinga er det ikkje nok å gi att fakta. Elevane må òg bruke kunnskapen og kompetansen sin i ein samanheng.

  • Fagområda er valde ut fordi dei er sentrale i skulen i alle land, og fordi dei let seg måle på tvers av land.

  • Aldersgruppa er vald ut fordi elevar i dei fleste land nærmar seg slutten på den obligatoriske skulegangen når dei er 15 år.

  • Føremålet med PISA er å gi eit samanlikningsgrunnlag og høve til å vurdere kor godt skulesystema i ulike land førebur elevane på vidare skulegang, studium, arbeidsliv og aktiv og reflektert deltaking i samfunnet.