To referansegrupper skal gi innspel til Nav-gjennomgang

Ekspertgruppa skal vurdere om Nav fungerer som det skal, og om arbeids- og velferdsforvaltninga er godt nok rusta for framtida. Arbeidet er i gang, og gruppa blir leia av Frode Forfang. No er det også klart korleis referansegruppene blir sette saman. Alle dei føreslåtte organisasjonene har no fått invitasjon til å delta i arbeidet.

Gruppa for arbeidslivet og samarbeidspartnarar omfattar mellom anna LO, NHO og Unio, i tillegg til aktørar som Kirkens Bymisjon, Blå Kors og Legeforeininga.

Brukargruppa omfattar organisasjonar som jobbar tett på Nav-brukarar, som AAP-aksjonen, Kreftforeininga, Redd Barna, Mental Helse Ung og Velferdsalliansen.

Skal sikre rett kompetanse og breidde i perspektiva

Bakgrunnen for å dele i to grupper er ønsket om breiare og meir treffsikre innspel. Referansegruppene skal gi ekspertutvalet betre innsikt i korleis Nav fungerer i praksis. Dei skal bidra med perspektiv frå Navs omverden, slik at ekspertgruppa får et nyansert bilde av moglegheiter og utfordringar i Nav, og kan foreslå treffsikre tiltak.

Departementet oppnemner gruppene formelt, men ekspertgruppa har vore med på å foreslå samansetjinga. Målet er å sikre rett kompetanse og breidde i perspektiva.

Begge referansegruppene skal etter planen ha sitt første møte i april. Vidare møte blir knytte til dei viktigaste leveransane frå ekspertgruppa.

Det blir òg lagt opp til dialog med aktørar i offentleg forvaltning gjennom møte og skriftlege innspel. Nav-tilsette er representerte i ekspertgruppa, og det blir opna for eigne møte med tillitsvalde undervegs.