Vegard Sørebø er utnemnd til assisterande departementsråd i ED
Nyheit | Dato: 27.09.2024 | Energidepartementet
Dette innhaldet er meir enn 1 år gammalt.
Kongen i statsråd har i dag utnemnd Vegard Sørebø (46) til assisterande departementsråd i Energidepartementet. Embetet som assisterande departementsråd er nyoppretta og skal støtte departementsråden i den daglege leiinga av departementet.
Sørebø har lang erfaring frå Finansdepartementet og Statsministerens kontor, og har dei siste to åra jobba i Energidepartementet. Sørebø er utdanna siviløkonom frå Norges Handelshøyskole og har i tillegg ein mastergrad i rettsvitskap frå Universitetet i Oslo.