– Dette er godt nytt både for dei tilsette og for institusjonane. Fleire faste stillingar i akademia bidrar til stabilitet og auka konkurransekraft, og vi unngår at talent søker faste stillingar andre stader. Eg er glad for at vi no har dei lågaste tala for mellombels tilsette på fleire år – det er tydeleg at regjeringa sine grep har gitt effekt, seier forskings- og høgare utdanningsminister Sigrun Aasland (Ap).

Dei siste åra har regjeringa tatt ei rekke grep for å få ned delen i mellombelse stillingar, mellom anna i den nye universitets- og høgskulelova, som tredde i kraft i 2024.

– Eg vil òg gi honnør til institusjonane som har lagt ned ein stor innsats for å få ned mellombelsbruken i sektoren, seier Aasland.

Bruken av mellombelse stillingar i universitets- og høgskulesektoren har i lang tid vore høgare enn i norsk arbeidsliv elles. Hausten 2025 var det 9,1 prosent mellombels tilsette i Noreg (i alderen 20–66 år) i arbeidslivet under eitt (kjelde: SSB). Rapportering til Database for statistikk om høgare utdanning (DBH) viser at total mellombelsbruk i universitets- og høgskulesektoren var på 8,8 prosent hausten 2025.

Andel mellombelse årsverk i undervisnings- og forskarstillingar, adm. stillingar og støttestillingar til undervisning og forsking, 2019–2025 (prosent)

2019

2020

2021

2022

2023

2024

2025

13,4

11,5

12,0

11,1

10,4

8,9

8,8

 

* Total mellombelsbruk for alle tilsette, unnateke bistillingar og åremål

Kjelde: DBH