Canada og Noreg inngår intensjonsavtale om romsamarbeid

Intensjonsavtalen mellom Canada og Noreg byggjer på felles interesser og verdiar for å understøtte både nasjonal og felles avskrekking og forsvar i Arktis.

– Eg er fornøgd med at vi no knyter oss nærare til Canada som ein viktig partnar innan romsamarbeid. I ein alvorleg tryggingssituasjon må vi stå saman med allierte for å forsvare NATOs territorium. Det styrkjer forsvarsevna vår, seier forsvarsminister Tore O. Sandvik.

Rombaserte tenester og romdomenet får stadig større betydning for å kunne sikre situasjonsforståing og vareta tryggingsinteressene i nordområda. Dette er også éi av dei viktigaste prioriteringane i langtidsplanen for forsvarssektoren.

– Arktis har stor strategisk betydning for både Noreg og Canada, og her har vi felles tryggingsinteresser. Gjennom vidareutvikling av det bilaterale romsamarbeidet set vi saman tryggleik i Arktis på dagsorden, seier forsvarsministeren.