Matbransjen samarbeider med styresmaktene om å legge til rette for sunnare kosthaldsval gjennom intensjonsavtalen for eit sunnare kosthald (helsedirektoratet.no).

Intensjonsavtalen sine utmerkingar blir delte ut til aktørar som gjer ein særleg innsats for å gjere det enklare for forbrukarane å ta sunnare val. Det blir delt ut prisar i kategoriane Sunnare produkt og Sunnare marknadsføring. Vinnarane blir kåra 28. januar 2026.

– Det har kome inn mange gode nominasjonar, også i år, og eg ønsker å gi honnør til alle finalistane for innsatsen i arbeidet for eit sunnare kosthald. Matbransjen har store moglegheiter til å påverke kva vi et. Å gjera kvardagsprodukt sunnare er viktig for å sikre betre helse i befolkninga, seier helse- og omsorgsminister Jan Christian Vestre.

Finalistane i kategorien Sunnare produkt

  • Den Stolte Hane med Produktserien Spiseklar
  • O. Kavli AS med Mindre fett i smøreoster
  • REMA 1000 med Superheltserien

Finalistane i kategorien Sunnare marknadsføring

  • BAMA med Norskkampanjen 2025
  • Matprat med Spis grovbrød!
  • TINE med Skikkelig godt

Om juryen

Juryen har bestått av medlemmar av referansegruppa for intensjonsavtalen som har spisskompetanse innan fagområda produktutvikling, ernæring, marknadsføring og forbrukartrendar.

  • Kristin Hollung, Avdeling mat og helse, Nofima, juryleiar
  • Lars Erling Olsen, Institutt for markedsføring, Handelshøyskolen BI
  • Nanna Lien, Avdeling for ernæringsvitskap, Universitetet i Oslo
  • Annechen Bahr Bugge, Forbruksforskningsinstituttet SIFO, OsloMet