EU-kommisjonens strategi for spare- og investeringsunionen

Strategien har som hovudføremål å forbetre måten EUs finansielle system kanaliserer sparing til investeringar. Strategien for spare- og investeringsunionen kjem til å prege EUs arbeid på delar av finansmarknadsområdet framover. I vedlegget til strategien er det sett opp ei liste over ei rekkje prosessar som EU-kommisjonen vil arbeide med framover. Det går fram av pressemeldinga at dei føreslåtte tiltaka vil bli utvikla vidare i den komande tida, i dialog med interessentar. Noreg er gjennom EØS-avtalen ein integrert del av det europeiske kapitalmarknaden, og fleire av tiltaka er antatt å vere EØS-relevante.

Departementet tek gjerne imot innspel/synspunkt frå berørte interessentar på EU-kommisjonens strategi for ei spare- og investeringsunion, spesielt om forhold som kan vere av særleg betydning for norske interesser og som berørte aktørar meiner Finansdepartementet bør vere merksam på i sitt arbeid med oppfølging av politikkutviklinga i EU.

Innspel sendast på e-post til postmottak@fin.dep.no og merkast med saksnummer 25/641. Vi ber om eventuelle innspel innan 15. mai 2025.

Lenke til pressemelding: Commission unveils Savings and Investments Union strategy to enhance financial opportunities.

Her er det òg lenker vidare til sjølve strategien, eit faktaark og samling med spørsmål/svar.