– Det er viktig å inkludere fleire i den digitale kvardagen. Vi veit at enkelte grupper i samfunnet kan bli ståande utanfor. Derfor foreslår vi å styrke satsinga på digital inkludering med totalt 15 millionar kroner, seier digitaliserings- og forvaltningsminister Karianne Tung (Ap).

Fullmaktsløysing for digital representasjon

I dag finst det ikkje ei samla offentleg fullmaktsløysing som gjer det mogleg å opptre på vegner av pårørande som ikkje har moglegheit til å bruke elektronisk ID – for eksempel BankID.

Digitaliseringsdirektoratet (Digdir) er i godt i gang med ei løysing som mogleggjer digital representasjon på tvers av alle offentlege verksemder, og fekk i fjor 2,6 millionar kroner til å starte arbeidet. No foreslår regjeringa å løyve ytterlegare ti millionar kroner til prosjektet.

Målet er å ha ei digital fullmaktsløysing for vergemål klar i starten av 2026..Ei heilskapleg løysing som mogleggjer digital representasjon på tvers av alle offentlege verksemder skal være på plass i 2028.

-Dette vil gjere livet enklare for alle som treng hjelp frå andre til å bruke digitale tenester, seier Tung.

MinID i skulen

Digitalt utenforskap kan óg ramme unge. Ikkje all ungdom kan få BankID, mellom anna fordi bankane har ulik aldersgrense. For ungdom under 18 år krevst óg samtykke frå begge foreldra og oppmøte i bank med pass eller nasjonalt ID-kort.

MinID er derfor nøkkelen til trygg deltaking for unge. Dette er ein offentleg eID på mellomhøgt tryggingsnivå, utstedt av Digdir. Ein kan få MinID frå fylte 13 år, utan samtykkje frå foreldre. I Noreg finst det omtrent 190.000 barn i alderen 13-15 år.

– Skulen har ei viktig rolle i å gjere ungdom trygge på nett. No foreslår vi å løyve fem millionar kroner slik at lærarar og rådgivarar kan tildele MinID digitalt til elevar på skulen. Dette er effektivt både for det offentlege og den enkelte elev, seier Tung.

Digitaliserings- og forvaltningsdepartementet sin pressetelefon: 22 24 20 00

E-post til kommunikasjonseininga: presse@dfd.dep.no