Program

10.20–11.00: Prosjekt X Eldreløftet – presentasjon og formell opning 
Problemstillinga med eit høgt tal på utskrivingsklare pasientar ved UNN i Tromsø har vore ei utfordring i mange år. Hovudføremålet med prosjektet er å løyse utfordringane knytte til utskrivingsklare pasientar ved UNN, og sikre gode pasientforløp for denne gruppa. Dette har Tromsø kommune og sjukehuset tatt tak i ved å bygge betre pasientforløp på tvers av sjukehus og kommune. Prosjektet har allereie lovande resultat.
Stad: Helsehuset, Hansine Hansens veg 90

11.05–11.20 Skrøpelegheitsvurdering og 96 timers trygg utskriving
Prosjektet har tatt i bruk Clinical Frailty Scale (CFS), eit verktøy for å vurdere grad av skrøpelegheit hos eldre pasientar. Systematisk bruk av CFS både i sjukehus og kommune gir eit felles språk for vurdering av funksjonsnivå, prognose og behandlingsbehov. Eit anna tiltak i Prosjekt X er 96 timars trygg utskriving, som inneber at heimesjukepleia eller institusjonar får ei direkte kommunikasjonslinje til geriatrisk eller ortopedisk avdeling på UNN dei første fire døgera etter utskriving. Dette skaper tryggleik rundt medisinering og vidare oppfølging for heimetenesta.
Stad: Akuttmottaket UNN UNN Fløy B plan 4

11:20–12.15 Køyre sjukepleiebil til brukar av heimetenester
Sjukepleiebilen er bemanna med ein geriatrisk sjukepleiar frå UNN og ein avansert klinisk allmennsjukepleiar frå kommunen. Sjukepleiebilen rykker førebels ut fire dagar i veka for å gjere kliniske vurderingar heime hos pasientane i samråd med legevakta. Statsråden blir med bilen heim til pasienten.
Stad: Oppdaterast måndag.

12.15–13.00 Opne Sydspissen aktivitetshus
Formell opning og omvising. Sydspissen aktivitetshus er eit kommunalt tilbod som samlokaliserer ulike tenestetilbod innan folkehelse. Det er også ein møteplass for dei som ønsker å delta på aktivitetar eller arrangement, eller berre kome innom for å seie hei eller ta ein kaffi.
Stad: Strandvegen 166

Pressa er velkomen til å dekke besøka. 

Kontaktperson for besøket er Anne Kathrine Aambø, e-post akaa@hod.dep.no, mobil 41 29 30 18.