Petroleumsrådet har no følgjande medlemmer:

Professor Lars Sørgard (Bergen), leiar

Professor Christian Franklin (Bergen), nestleiar

Professor Mette Helene Bjørndal (Alver)

Prosjektleiar Gro Holst Volden (Trondheim)

Professor Stein-Erik Fleten (Trondheim)

Professor Ellen Johanne Eftestøl (Frogn)

Fagsjef Petter Solbu (Bærum) 

Energiøkonom Morten Evjenth Lindbæck (Oslo)

Varamedlemmer:

Fagsjef Nora Sundvall Rølling (Oslo) er oppnemnd som varamedlem for Petter Solbu.

Fagdirektør Per Valvatne (Oslo) er oppnemnd som varamedlem for Morten Evjenth Lindbæck.

Det er viktig for statens inntekter frå petroleumsverksemda at petroleum som blir seld frå felt på norsk kontinentalsokkel blir skattlagd til den verdien han skal kunne seljast for mellom uavhengige partar i marknaden. Mandatet til Petroleumsprisrådet er å fastsetje slike normprisar for råolje og våtgass.

Normprisreglane eksisterer for at alle inntekter frå felt på norsk kontinentalsokkel skal bli skattlagd under det norske petroleumsskattesystemet. Bruk av normprisar gjer også at kontrollarbeidet til likningsmyndigheitene blir enklare. På grunn av den høge marginale skattesatsen i petroleumsskattesystemet vil fastsetjing av normprisar kunne ha store økonomiske konsekvensar for staten og selskapa.