Over 1,1 milliardar kroner til kulturformål
Pressemelding | Dato: 07.05.2026 | Kultur- og likestillingsdepartementet
– Arbeidarparti-regjeringa prioriterer leselyst, auka deltaking og mangfald i kulturlivet. Vi vil gje fleire barn og unge moglegheit til å delta i, skape, og oppleve kunst og kultur - uavhengig av bakgrunn og storleiken på lommeboka, seier kultur- og likestillingsminister Lubna Jaffery.
Spelemidlane frå Norsk Tipping til fordeling på kulturformål er i 2026 det nest høgaste beløpet som nokon gang er fordelt. Kulturfrivilligheit, kulturarenaer og barne- og ungdomstiltak er prioriterte oppgåver, og mange tilskot er auka.
– Gode og tilgjengelege kulturarenaer er ein føresetnad for lokal aktivitet, deltaking og frivillig engasjement over heile landet. Spelemidlane er blant dei viktigaste verkemidla for å utvikle og vidareutvikle kulturarenaene, seier Jaffery.
Satsingane knytt til leselyststrategien blir vidareført gjennom øyremerkte tildelingar til ordningar i kulturrådet, bibliotekfeltet og Den kulturelle skulesekken.
– Arbeidarparti-regjeringa har ein ambisjon om at norske barn skal bli verdas beste lesarar. Derfor held vi fram satsinga på leselyst gjennom blant anna innkjøp av bøker til biblioteka og skulebiblioteka. I vår Plan for Norge er eit leseløft, kor vi styrkar lesinga både i skulen og i samfunnet elles, ei viktig prioritering, seier Jaffery.
Ny forskrift om fordeling av spelemiddel til kulturformål
Regjeringa har nyleg fastsett ei forskrift om fordeling av speleoverskotet til kulturformål. Forskrifta byggjer på etablert praksis for fordeling, som tilseier at speleoverskotet til kulturformål skal nyttas til å støtte kulturfrivilligheita, kulturaktivitet for og med barn og unge, kulturarenaer og utstyr og andre kulturformål, hovudsakleg retta mot barn og unge. Fordelinga i 2026 er i samsvar med det.
Regjeringa har fordelt årets pott på 1 157,5 millionar kroner slik:
|
Tiltak – kulturformål |
Fordeling 2026 (kroner) |
|
Den kulturelle skolesekken |
390 000 000 |
|
Frifond |
220 000 000 |
|
Desentralisert ordning for kulturbygg/kulturarenaer |
89 500 000 |
|
Kulturrom |
86 000 000 |
|
Bibliotektiltak |
56 700 000 |
|
Nasjonale musikkorganisasjoner, inkl. Norsk musikkråds ordning for rekruttering og deltakelse i korps og orkester |
47 600 000 |
|
Norsk kulturfond – skolebibliotekordningen og innkjøpsordningen for barn og unge |
39 500 000 |
|
Amatørteatertiltak |
37 600 000 |
|
Tilskudd til barne- og ungdomstiltak |
32 077 000 |
|
Museumstiltak |
30 250 000 |
|
Ungdom og Fritid |
27 000 000 |
|
Instrumentfondet |
21 000 000 |
|
UKM – Ung Kultur Møtes |
16 000 000 |
|
Tilskuddsordninger for kor |
14 200 000 |
|
Inkludering i kulturliv |
13 000 000 |
|
Folkeakademienes Landsforbund |
9 900 000 |
|
Krafttak for sang |
7 800 000 |
|
Norges Musikkorps Forbund – Ungdomsløftet |
6 000 000 |
|
Kulturstøtta |
4 280 000 |
|
Ordninger for kordirigenter |
3 680 000 |
|
Talent Norge – scenekunsttiltak |
3 000 000 |
|
Norske kirkeakademier |
2 445 000 |