Presseinvitasjon: Statsråd Sigrun Aasland presenterer statsbudsjettet for forsking og høgare utdanning i Trondheim
Pressemelding | Dato: 10.10.2025 | Kunnskapsdepartementet
Forskings- og høgare utdanningsministeren presenterer statsbudsjettet onsdag 15. oktober kl. 12.00 på NTNU Gløshaugen.
Statsbudsjettet for forsking og høgare utdanning
Sjå sendinga her
Tid: Onsdag 15. oktober kl. 12.00
Stad: NTNU Gløshaugen, Sit Kafe Elektro, O.J. Bragstads plass 2
Pressekonferansen er open for publikum. Journalistar som ønsker å delta kan kontakte kommunikasjonssjef Anders Lundell, telefon 900 49 636. Det blir høve for separatintervju etter framlegginga.
Etter framlegginga skal statsråden møte studentar som arbeider med dronesystem og satellittar, og få presentert forsking på tungrekning og kvanteteknologi. Pressa er velkomen til alle delane av programmet.
Strøyming
Arrangementet blir filma av NTNU, og kan følgast direkte på denne sida. Her kan også videofila lastast ned i etterkant. DIO distribuerer publiseringspunkt til media som vil sende arrangementet direkte. DIO kan kontaktast på telefon 22 24 88 45 eller e-post dio-videoproduksjon@dio.dep.no. Presse som ønsker å bygge inn nett-tv-sendinga på sine nettsider finn embed-kode ved å trykkje «Del video»-knappen i videospelaren på sida.