– For at Husbanken skal kunne samarbeide betre med kommunane, treng dei tilgang til data. Dette gjer at dei kan utvikle betre analyse- og planleggingsverktøy for lokalt, regionalt og nasjonalt bruk. Endringane vil gjere det lettare for Husbanken å støtte kommunane i bustadarbeidet, seier kommunal- og distriktsminister Bjørnar Skjæran.

Forslaget gjer det tydelegare kva reglar som gjeld når Husbanken behandlar personopplysningar i låne- og tilskotsordningane sine. Det skal sikre at opplysningane blir brukte innanfor klare rammer.

Vidare gir forslaget Husbanken høve til å hente inn oppdaterte opplysningar til bruk i statistikk, analysar og forsking. Dei får òg høve til å behandle personopplysningar frå kommunale verkemiddel, som tilskot og kommunale utleigebustader, til statistikk, analysar og forsking.

Her finn du høyringa: Høring - Forslag til endringer i husbankloven om behandling av personopplysninger