Invitasjon
Klimastatus – slik kan vi sjå klimaendringane i vérhendingane
Nyheit | Dato: 10.12.2025 | Klima- og miljødepartementet
Verda har no nådd eit punkt der ein kan sjå «fingeravtrykk» av klimaendringane i alt vér. På årets Klimastatus onsdag 7. januar går vi gjennom vérhendingar i 2025 og forklarar korleis dei kan knytast til klimaendringane. Du får òg møte menneske frå miljø som tek grep når konsekvensane rammar oss.
Klimastatus er eit årleg arrangement frå Meteorologisk institutt. I løpet av ein raus time får du ei uformell veksling mellom korte innlegg frå forskarar og samtalar med gjester, leia av TV-meteorolog Pernille Borander.
Tid: Onsdag 7. januar klokka 09.00–10.15
Stad: I Marmorhallen hos Klima- og miljødepartementet, og direktestrøyming
Det blir servert enkel frukost frå kl. 08.30.
Alle som deltek fysisk må gjennom departementet sine tryggleikssluser. Møt opp i god tid før start og ta med gyldig ID.
Arrangementet vil bli vist på nett-tv, og du kan følge sendinga her (lenke kommer).
Program
- Varmt på kalde stader
- Klimaforskar Ketil Isaksen forklarar korleis stigande temperatur på Svalbard og i Jotunheimen endrar landskapet og aukar risikoen for oss som bur og ferdast der.
- Samtale med Albert Lunde frå Nasjonalt kompetansesenter for fjellredning om utfordringar for fjellturisme og fjellredning i Jotunheimen og Sør-Noreg.
- Kvifor kan vi no seie at hetebølgja i sommar var påverka av klimaendringar?
- Klimaforskar Amalie Skålevåg fortel om attribusjon som framgangsmåte for å undersøkje koplinga mellom menneskeskapte klimaendringar og observerte endringar i vér og klima.
- Samtale med klimaanalytikar Thea Holten frå Røde Kors om konsekvensane av sommarens hetebølgje for helse i Noreg.
- Når vinden aukar litt, aukar skaden desto meir
- Forskar Øyvind Breivik fortel om skadepotensialet frå vind og om god byggjeskikk.
- Samtale med Henrik Landsverk, leiar for teknologi og innovasjon i Lede, om konsekvensane for skog og energiforsyning etter ekstremvêret Amy.