Støre møtte president Volodymyr Zelenskyj

Zelenskyj er i Oslo i samband med kong Harald Vs gravferd onsdag. Den ukrainske presidenten uttrykte sine kondolansar i samband med kong Harald sin bortgang.

Statsminister Jonas Gahr Støre møtte den ukrainske presidenten for politiske samtaler i kveld.

– Ukraina går ein hard vinter i møte. Dei siste månadene har det vore ei opptrapping av missil- og droneangrep mot ukrainske heimar og kritisk infrastruktur. Det er viktig å oppretthalde presset på Russland for å få slutt på krigen. Noreg står saman med ukrainarane, seier statsminister Jonas Gahr Støre.

Les meir:

• Regjeringen vil videreføre støtten til Ukraina på 85 milliarder kroner

Møtte forsvarsindustrien

Noreg og andre europeiske land jobbar for å styrke Ukrainas forsvarsevne og utvikle eit tettare samarbeid mot missilangrep. I kveld møtte Støre og Zelenskyj representantar frå europeisk forsvarsindustri for å diskutere utviklinga av antiballistisk luftforsvar.

– Europa må samarbeide endå tettare og meir langsiktig for å styrke Ukrainas og vår eigen forsvarsevne og motstandsdyktigheit. Antiballistisk luftforsvar er heilt sentralt for å få dette til, seier Støre.

Les meir om koalisjonen for forsvar mot ballistiske missil:

• Etablerer koalisjon for forsvar mot ballistiske missiler

Bilete finn de her:

• Flickr