Jobbe i Helse- og omsorgsdepartementet
Helse- og omsorgsdepartementet har hovudansvar for at befolkninga får gode og likeverdige helse- og omsorgstenester. Alle våre medarbeidarar blir forventa å ta ansvar for at oppgåvene deira bidrar til vårt felles overordna mål. Det blir lagt vekt på godt samarbeid, kompetansedeling og å gjere kvarandre gode.
Korleis er det å jobbe hjå oss?
Vi veit at vi har tilsette som trivst. Vi veit også at det er fordi dei får faglege utfordringar og har eit godt arbeidsmiljø. Derfor jobbar vi kontinuerleg med dette.
Møt våre medarbeidarar
Møt tilsette i Helse- og omsorgsdepartementet som fortel om sin arbeidskvardag, korleis dei bruker sin innverknad og kvifor dei trivst.
Om Helse- og omsorgsdepartementet
Helse- og omsorgsdepartementet har det overordna ansvaret for at befolkninga får gode og likeverdige helse- og omsorgstenester, uavhengig av bustad og økonomi. Departementet styrer helse- og omsorgstenesta gjennom eit omfattande lovverk, årlege løyvingar og ved hjelp av statlege etatar, verksemder og føretak.
Karriere- og kompetanseutvikling og internasjonale moglegheiter
Vi jobbar mykje med kompetanseutvikling hjå oss, både fordi det er viktig for at den enkelte skal kunne gjere ein best mogleg jobb og fordi vi skal vere ein kvalifisert og attraktiv arbeidsplass for våre tilsette. Kvart år lagar vi derfor ein kompetanseplan i samarbeid med avdelingane.