Gulaskuddan — Davviriikalaš sámekonvensšuvdna - árvalus

Status: Ferdigbehandlet

Høringsfrist: 17.02.2006

Gulaskuddanásahusat

Din čuj

Min čuj

Beaivi

200600205-/GUH

17.02.06

Gulaskuddan - Davviriikalaš sámekonvenšuvdna – árvalus

Árvalus
Dákko bokte ovdanbuktá Bargo- ja searvadahttindepartemeanta ovttas Sámedikkiin, gulaskuddamii davviriikalaš sámekonvenšuvnna árvalusa. Suoma, Norgga ja Ruoŧa sámeáššiid ovddasvastideaddji ministerat ja dáid riikkaid sámediggepresideanttat ledje bivdán davviriikalaš ekspeartajoavkku válbmet dán árvalusa. Ekspeartajoavkkus leat leamaš mielde guokte lahtu ja daid sadjásaččat guhte-ge stáhtas, nubbi lahttu ja várrelahttu nammaduvvon ráđđehusas ja dat nubbi lahttu ja várrelahttu fas sámedikkis, oainne bárgojoavkku fámudusa ja ráhkadusa mii boahtá ovdan árvalusa kápihttalis 2.

Árvalusa kápihttalis 1 lea konvenšuvnna teaksta mas leat 51 ártihkkala mat fas leat čohkkejuvvon 7 kápihttalii. Mearkkašumit iešguđet mearrádusaide addojuvvojit kápihttalis 9. Mii maiddái čujuhat árvalusa nuppiid kápihttaliidda mat geahčadallet konvenšuvnna oppalaš gažaldagaid (káp. 5). Dasalassin lea válbmejuvvon oanehis historjjálaš čoahkkáigeassu ja čuvgehus Suoma, Norgga ja Ruoŧa sámiid birra (káp. 6), ja maiddái ovdanbuktojit áššáiguoski áigeguovdilis álbmogiidgaskasaš neavvut (káp. 7) ja sámiid sajádat davviriikalaš sámekonvenšuvnnas (káp. 8).

Historihkka
Sámi váldosearvvit Suomas, Norggas ja Ruoŧas ovddidedje vuosttas gearddi jagi 1986 Sámekonferanssas doaivaga áigáioažžut davviriikalaš sámekonvenšuvnna ja dát jurdda loktejuvvui ovdan maiddái jagi 1992 Sámekonferanssas gos maid ruošša sámit dorjo dán jurdaga. Fáddá maid beavdáduvvui Norgga, Ruoŧa ja Suoma sámi vuoigatvuođalávdegottiid oktasaš čoahkkimis 1988.

Davviriikalaš Ráđi 46. čohkkámis 28.02.1995 Reykjavik:as lágiduvvui ministerčoahkkin mii gieđahalai sámi áššiid. Oasálastit ledje Suoma, Norgga ja Ruoŧa sámeáššiid vástideaddji ministerat ja sii ovddidedje álgaga mii vuolggahivčče davviriikalaš sámekonvenšuvnna ráhkadeami.

Davviriikalaš bargojoavku mas ledje fárus ráđđehusaid ja sámedikkiid virgeolbmot guorahalle gažaldaga livčče-go dárbu ja vuođustus gárvvistit dákkár sámekonvenšuvnna. Dan máŋŋá go ráporta ”Davviriikkalaš sámekonvenšuvnna darbu ja vuođus” (1998) leamaš gulaskuddama vuolde dán golmma stáhtas jagiid 2000-2001, mearridedje cakčat 2001 dávviriikkaid ovttasbárgoministerat guhte vástidit sámeáššiid gažaldagaid ja sámediggepresideanttat, ahte ásahuvvo davviriikalaš ekspeartajoavku man doaibman galgá leat válbmešgoahtit davviriikalaš sámekonvenšuvnna evttohusálgaga.

Ekspeartajoavku geigii árvalusas bargoaddiide sámeministeriid ja sámediggepresideanttaid jahkásaš oktasaščoahkkimis Helssegis 16.11.2005.

Gulaskuddama áigemearri
Bargo- ja searvadahttindepeartemeanta bivdá dán čállosa vuostáiváldiid juohkit árvalusa vuolleásahusaide, gielddaide ja servviide, ja dasalasssin meroštit berrešii go juohkit árvalusa eará berošteaddjiide mat eai leat biddjon gulaskuddanlistui. Gulaskuddanásahusat bivdojit buktit cealkámušaideaset ovdal 15.6.2006.

Davviriikalaš sámekonvenšuvdna-árvalus čuovvu mielddusin dárogillii. Maiddái dan fidne sámegillii Bargo- ja searvadahttindepartemeanttas, tel. 22 24 71 75 dahje e-poasta: hanne.lauveng@aid.dep.no

Dát gulaskuddanreivve lea biddjon departemeantta interneahttafierbmái mas lea lávči dárogielat ja dávvisámegielat árvalussii. Interneahtta: http://odin.dep.no/aid/norsk/dok/hoeringer/paa_hoering/bn.html

Petter Drefvelin (f.m.)
ekspedišuvdnahoavda

Máret Guhttor
ossodatdirektora

Gulaskuddanásahusat

Departementtat (ea)
Sámediggi

Finnmárkku fylkkamánni
Romssa fylkkamánni
Nordlándda fylkkamánni
Davvi-Trøndelága fylkkamánni
Mátta-Trøndelága fylkkamánni
Hedemarkku fylkkamánni

Fylkkagieldat
Oslo kommune

Buot gielddat:
Finnmárkku fylkkas
Romssa fylkkas
Nordlándda fylkkas

Sámeráddi
Norgga Samiid Riikkasearvi
Sámiit ædnansearvi
Sámiid Álbmotlihttu
Norgga Boazosápmelaččaid
Boazodoalu riikkaidgaskasaš fága- ja gaskustanguovddáža
SALAS
Sámi Journalisttaid Searvi,
Sámi Juristtaid Searvi (SAJUS)
Dávgi
Davvi Nuorra
Sámi NissonForum
Sárahkka
Goahtegearret
Bivdi
Sámi Duojáriid Searvi
Østsamene i Neiden
Skoltene i Norge
Sijti Jarnge
Sámiid Vourkká-Dávvirat
Sámi dáiddačehpiid searvi
Duodje Instituhtta
Árran - julevsáme guovdasj
Saemien Sijtje
Ája sámi guovdas
Sámi giella- ja kulturguovddáš, Porsáŋggu
Várdobaiki sámi guovddás
Senter for menneskerettigheter
Sámi Museasearvi
Várjjat sámi musea
Sør-Varanger museum
Porsáŋggu musea
Kokelv sjøsamiske museum
Guovdageainnu musea
Sámi Allaskuvla
Høgskolen i Nord-Trøndelag
Høgskolen i Nesna
Høgskolen i Bodø
Romssa Universitehta
Universitetet i Oslo
Norgga dutkanráđđi
Norsk folkemuseum
Sámi Instituhtta
Sámi Ealáhus- ja Guorahallanguovddaš
NORUT-NIBR Finnmarkku
Rokkansenteret
UNEP/GRID-Arendal
NRK Sámi Radio
Álgoálbmotvuoigatvuođaid gelbbolašvuođaguovddáš
Boazodoalu riikkaidgaskasaš fága- ja gaskustanguovddáža