Rapport om økonomiske misleghaldssaker osb. i andre kvartal 2026

Rapport | Dato: 08.07.2026 | Utanriksdepartementet

I andre kvartal 2026 registrerte Sentral kontrolleining 37 nye saker. Sakene var i hovudsak knytte til mistanke om økonomisk misleghald, medan 7 var relaterte til mistanke om seksuell utnytting, misbruk og trakassering i samband med tilskotsforvaltinga (SEAH-saker).

I den same perioden vart 64 saker avslutta, blant desse var 11 SEAH-saker. Alle tala omfattar også saker under Norad og Norec sine ansvarsområde.

Oversikta nedanfor viser dei 33 sakene der det var grunnlag for reaksjon og tilskotsmottakaren har betalt tilbake, og som vart avslutta i andre kvartal 2026. Det er betalt tilbake 2 003 849 kroner. I tillegg er 2 101166 kroner betalte tilbake til prosjekt, noko som inneber at avtalepartnar dekkjer tapet ved å skyta inn eigne midlar.

Oversikta blir utarbeidd som oppfølging av nulltoleransen til regjeringa for økonomisk misleghald og blir ajourført kvart kvartal. For fleire opplysningar blir det vist til Sentral kontrolleining i Utanriksdepartementet, Internrevisjonen i Norad eller til Norec.

Saksnr / Ansvar	Land	Avtalepartnar	Kort oppsummering
IV-1156 / NORAD	DRC	Caritas	Det er avdekt underslag på NOK 323 689 i DRC-prosjekt gjennomførte av Caritas Kongo, der delen til Norad er utrekna til NOK 296 023. I samsvar med gjeldande regelverk og føresegnene i avtalen blir dette kravd tilbakebetalt til prosjektet.
IV-1356 / NORAD	Ukraina	Norsk Folkehjelp	Mistanke om nepotisme hos ein av partnarane til NF, Green Landia i Ukraina, førte til undersøkingar. Undersøkingane kunne ikkje stadfeste misleghald, men avdekte svakheiter i internkontroll og rutinar for innkjøp. NOK 23 440 blir kravde tilbakebetalte til prosjektet.
IV-1352 / NORAD	Sri-Lanka	Amplify Change	Saka gjeld Équité i Sri Lanka, der ein tilsett med vilje omdirigerte prosjektmidlar til eigne kontoar ved hjelp av falske e-postar, falsk identitet og ei oppdikta rolle. Forholdet vart raskt avdekt, den tilsette vedgjekk misleghaldet, vart avskilten og politimeld. Heile beløpet på 1 300 GBP vart tilbakebetalt same dag. Saka blir tilrådd avslutta ved at det misbrukte beløpet blir ført tilbake til prosjektet.
IV-1329 / NORAD	Malawi	PELUM	Leiinga ved landkontoret til Oxfam har medverka til å utbetale løn til tilsette utover dei godkjende rammene. GBP 3 224, tilsvarande NOK 41 718, blir kravde tilbakebetalte til prosjektet.
IV-1305 / NORAD	Nigeria	Flyktninghjelpen	Ti solcellepanel og åtte batteri vart stolne frå ein låst container på lageret til Flyktninghjelpen i Nigeria. Tapet er utrekna til USD 1 773. Det vart ikkje avdekt kven som stod bak tjuveriet, men undersøkinga fann at manglande etterleving av interne rutinar truleg gjorde misleghaldet mogleg. Det misbrukte beløpet blir kravd tilbakebetalt til prosjektet.
IV-1290 / NORAD	Etiopia	Flyktninghjelpen	Development Fund (DF) Etiopia avdekte misleghald hos den gjennomførande partnaren til Flyktninghjelpen, EMI i Etiopia, og ein spesialrevisjon avdekte ytterlegare misleghald. Misbrukte midlar tilsvarande NOK 69 675 blir kravde tilbakebetalte til prosjektet.
IV-1254 / NORAD	DRC	Regnskogfondet	Det er avdekt avtalebrot i form av nepotisme og underslag hos RF sin partnar IRI i DRC. Det misbrukte beløpet, USD 1 170, blir kravd tilbakebetalt til prosjektet.
IV-1208 / NORAD	Norge	Utviklingsfondet	Gransking av UF Oslo, UF Etiopia og nokre av partnarane til UF Etiopia har avdekt kostnader som ikkje har vore støtteberettiga frå Norad og som har mangla dokumentasjon. Sidan avtalen med Utviklingsfondet er utgått, skal dei misbrukte midlane betalast tilbake til Norad. Totalt blir NOK 600 289 kravde tilbakebetalte til Norad.
IV-1193 / NORAD	Mali	MSI reproductive choices	Saka gjeld omfattande økonomisk misleghald knytt til Norad-midlar ved landkontoret til Marie Stopes International (MSI) i Mali. Dei identifiserte misbrukte midlane på til saman GBP 13 120, knytte til Norad-kontraktane, skal betalast tilbake i sin heilskap til prosjektet. Heile misleghaldsbeløpet stammar frå Norad-midlar.
IV-1190 / NORAD	Tanzania	Global Crop Diversity Trust	Alvorlege brot på kontraktsvilkåra ved NMIST i BOLD-prosjektet for bambaranøtt (Bambara Groundnut) og lablab, mellom anna uriktige utstyrsrapportar og mangelfull dokumentasjon av bemanning, har ført til mistanke om økonomisk misleghald. GCDT har kravd full tilbakebetaling av USD 20 308,59 (NOK 208 875).
IV-1187 / NORAD	Myanmar	CARE Norge	CARE Noreg/CARE Myanmar, med WDC som gjennomførande partnar, har avdekt interessekonfliktar i samband med ei anskaffing. Det vart òg oppdaga tap av prosjektaktiva. Prosjektet er avslutta, og dei misbrukte midlane blir tilbakebetalte til Norad.
IV-1182 / NORAD	Eswatini	Digni	Pengar vart stolne frå safen til den gjennomførande partnaren til Digni, Caring for Shiselweni i Eswatini. Norad sin del av det tapte beløpet (NOK 656) blir kravd tilbakebetalt til prosjektet.
IV-1178 / NORAD	Uganda	Universitetet i Tromsø	Granskinga fann ingen bevis for kickbacks i dei utvalde prosjekta ved MU, men avdekte fabrikkering av reiser i CIDIMOH-prosjektet ved MU for 356 596 kroner. Beløpet blir rekna som ugyldige kostnader, blir underkjent og skal betalast tilbake til prosjektet for å rette opp misbruk av Norad-midlar og sikre måloppnåing i prosjektet.
IV-1147 / NORAD	Sør-Afrika	Norsk Folkehjelp	Varsel frå Norsk Folkehjelp vart motteke 16. januar 2025 og gjeld underslag og svindel hos den gjennomførande partnaren Equal Education (EE) i Sør-Afrika. To tilsette og assisterande generalsekretær (løna stilling) var involverte i svindel og underslag i perioden frå januar til mars 2024. Det vart avdekt misleghald. Saka blir avslutta når 22 818,36 ZAR (NOK 18 957) er tilbakebetalte til Norad.
IV-1143 / NORAD	Somalia	Digni	Tilskotsmottakar er DIGNI ved NPM (Pinse Bistand). NOK 683 040 (Norad sin del: NOK 614 736) vart underslått av økonomisjefen i IAS Kenya, som handterte overføringa på vegner av NPM til Somaliland-prosjektet. Ei uavhengig gransking avdekte omfattande misleghald og grove sviktar i internkontrollen hos IAS Kenya. Forholdet er vurdert å liggje innanfor kontrollansvaret til tilskotsmottakaren. Tilskotsmottakaren er difor ansvarleg for tapet og må betale tilbake eit beløp tilsvarande dei underslåtte midlane til prosjektet (avtalen).
IV-1132 /24150 / NORAD	Malawi	Amplify Change	Saka gjeld varsel frå Amplify Change om mogleg misleghald hos ein av dei lokale samarbeidspartnarane deira, LITE i Malawi. Ei gransking avdekte misleghald på GBP 2 355, der Norad sin del utgjer 13,7 %. Saka blir avslutta når Norad sin del på GBP 322,65 (NOK 4 372) er tilbakebetalt til prosjektet.
IV-1108 / 24126 / NORAD	Sør-Afrika	Norsk Folkehjelp	Gransking av partnaren til Norsk Folkehjelp, CORMSA i Sør-Afrika, har avdekt at ein tilsett samarbeidde med ein tenesteleverandør om å auke kostnadene på tenestene eller varene for å få kickback til personleg økonomisk vinning. Dei misbrukte midlane, tilsvarande NOK 7 100, må betalast tilbake til Norad, sidan avtalen er utløpen.
IV-1095 /24113 / NORAD	Tanzania	Flyktninghjelpen	Flyktninghjelpen oppdaga at det mangla dokumentasjon for kontantuttak ved landkontoret i Tanzania. Dei aktuelle midlane er knytte til avtale QZA-20/0048. Granskinga konkluderte med vesentleg misleghald av avtalen, jf. § 15.2 bokstav b og c og § 18.3 f i avtalen, og forholdet vart klassifisert som underslag. Avtalen er avslutta, og det misbrukte beløpet – TZS 43 077 500 – blir kravd tilbakebetalt til Norad.
IV-1091 /24109 / NORAD	Burkina Faso	International Rescue Committee	Gransking av IRC Burkina Faso fann at det hadde førekome samarbeid med hotell for å produsere fiktive fakturaer og gje bestikkingar. Det misbrukte beløpet var på XOF 553 500, om lag NOK 10 000, og blir kravd tilbakebetalt til Norad.
IV-1086 / 24104 / NORAD	Nigeria	Flyktninghjelpen	Flyktninghjelpen sin partnar NRC Nigeria har brote regelverket for anskaffingar, mellom anna ved å favorisere og samarbeide med leverandørar (dette skjedde i Yola). I tillegg har det vore tjuveri av eigedelar frå eit lager i Mubi. NOK 168 361 blir kravd tilbakebetalt til prosjektet.
IV-1083/24101 / NORAD	Rwanda	Norsk Sykepleierforbund	Etter konkrete varsel vart det gjennomført stikkprøvekontrollar (NSF), avtalte kontrollhandlingar (BDO) og gransking (EY) i perioden september 2024–mai 2025 hos Rwanda Nurses and Midwives Union (RNMU), som er ein lokal samarbeidspartnar for Norsk Sykepleierforbund og deira prosjekt i Rwanda. Det vart avdekt misleghald. Saka blir avslutta når NSF har tilbakebetalt 13 162 500 RWF (NOK 104 302) til prosjektet.
IV-1081 / 24099 / NORAD	Uganda	Flyktninghjelpen	Flyktninghjelpen (NRC), med Fin Church Aid i Uganda som gjennomførande partnar. Ei gransking avdekte underslag og dokumentforfalsking ved ein SESBILL-finansiert skule. Det vart stadfesta misbruk av 8 483 000 UGX (om lag NOK 22 777). Beløpet skal betalast tilbake til Norad, då prosjektet er avslutta.
IV-1072 / 24090 / NORAD	Tanzania	Kirkens Nødhjelp	Kirkens Nødhjelp har avdekt økonomisk misleghald i Norad-finansierte prosjekt hos den gjennomførande partnaren Tanganyika Christian Refugee Service i Tanzania. Ein uavhengig revisjon dokumenterte manglande bilag, oppblåste utgifter og forfalska deltakarlister, med eit samla beløp på TZS 19 058 770 (NOK 82 864). Avtalen med Norad er utløpen, og beløpet blir difor tilbakebetalt til Norad.
IV-1055 / 24073 / NORAD	Angola	Atlas-alliansen	Atlas-alliansen/Norges Blindeforbund (NBF) sin partnar ANCAA i Angola vart granska etter varsel om økonomisk misleghald og seksuell trakassering. Granskinga avdekte alvorlege brot på internkontrollen, og det blir kravd tilbakebetaling av 1 261 269 kwanza (om lag NOK 21 442) til Norad.
IV-24 /24036 / NORAD	Sør-Sudan	Atlas-alliansen	Saka gjeld Atlas-alliansen, Strømmestiftelsen og den lokale partnaren SAADO i Sør-Sudan. Ei gransking av prosjektet Together for Inclusion (TOFI) avdekte underslag og kostnader utan tilstrekkeleg dokumentasjon på til saman USD 7 133 (NOK 68 180), der Norad sin del utgjer NOK 54 544. Dette beløpet blir kravd tilbakebetalt til Norad, sidan prosjektperioden er utløpen.
IV-29 / 24003 / NORAD	Nepal	OsloMet	Etterkontrollar av prosjektet «Building Inclusive Education Programme» (BIEN) ved Tribhuvan-universitetet (TU) i Nepal avdekte ingen prov på misbruk av midlar i 2023. Ved revisjonen i 2024 vart det derimot identifisert ei overutbetaling på NOK 4 522 til nokre professorar ved TU, som blir kravd tilbakebetalt til prosjektet.
IV-49 /23093 / NORAD	Papua Ny Guinea	Regnskogfondet	Saka gjeld Regnskogfondet sin partnar CELCOR i Papua Ny-Guinea (avtale QZA 21/0047 og QZA 22/0259), og gjeld bruk av Norad-midlar i strid med avtalen gjennom interne lån mellom prosjektkontoar, samt kostnader som var mangelfullt dokumenterte eller underbygde med manipulert dokumentasjon. Internrevisjonen konkluderer med avtalebrot og tilrår at udokumenterte og manipulerte kostnader på til saman NOK 103 925 blir underkjende og tilbakebetalte til Norad i tråd med artikkel 18.2. Beløpet knytt til interne lån mellom prosjekt (NOK 820 076) blir rekna som allereie tilbakeført til prosjektet og blir ikkje kravd tilbakebetalt, føreset at tilskotsmottakaren legg fram tilfredsstillande dokumentasjon.
IV-50 / 23063 / NORAD	Thailand	Aids Fonds / Robert Carr Fund	Saka gjeld eit Norad-finansiert prosjekt gjennomført av Robert Carr Fund i Thailand, gjennom den lokale partnaren Asia Pacific Network of Sex Workers (APNSW). Ein tilsett, som under covid-19-pandemien hadde fått eineansvar for signering av kontraktar og finansielle transaksjonar, misbrukte denne fullmakta til å underslå midlar. Ei seinare gransking stadfesta skuldingane. Vedkomande vart sagt opp og har tilbakebetalt dei underslåtte midlane. Saka blir avslutta ved at USD 1 300 er tilbakebetalte til prosjektet.
IV-64/22084 / NORAD	Ecuador	IBC-Instituto del Bien Comun	Saka gjeld tilskotsmottakaren IBC Peru og samarbeidspartnaren deira COICA i Ecuador. Ein tidlegare leiar i COICA er skulda for å ha misbrukt midlar frå prosjektet til eiga vinning. Ein påfølgjande ekstern revisjon stadfesta misbruk av midlar på til saman NOK 457 234, som blir tilbakebetalte til Norad. Vilkåra for tilbakebetaling til prosjektet er likevel ikkje til stades.
IV-52 /22043 / NORAD	Sør-Afrika	Norsk Folkehjelp	Norsk Folkehjelp avdekte at ein leiar hos den gjennomførande partnaren Social Justice Coalition (SJC) i Sør-Afrika systematisk har underslått prosjektmidlar til private føremål. Ei gransking har påvist ytterlegare alvorlege brot på avtalen, mellom anna manglande internkontroll hos partnaren og svak oppfølging frå tilskotsmottakaren. Avtaleperioden (QZA-19/0262) er avslutta. NOK 291 781 i misbrukte midlar blir kravde tilbakebetalte til Norad.
IV-54 / 22029 / NORAD	DRC	Kirkens Nødhjelp	Det har blitt avdekket økonomiske misligheter hos Kirkens Nødhjelps partner Interfaith North Kivu i DRC. Granskingen fant at en ansatt hos partneren i 2021 og 2022 hadde avkrevd og mottatt bestikkelser i form av tilbakebetaling/kickbacks på ca. 10 % av deltakernes transportgodtgjørelser. Norads andel av det misligholdte beløpet er USD 3 730. Beløpet kreves tilbakebetalt til Norad.
IV-75/21027 / NORAD	Storbritannia	IPPF	Varslet vart motteke i mai 2021 og inneheldt påstandar om økonomisk misleghald og svakheiter i internkontrollen ved IPPF (International Planned Parenthood Federation) sitt arabiske regionkontor, Arab World Regional Office (AWRO), i Tunis. Granskinga konkluderte med ugyldige kostnader på til saman USD 97 934. Ingen transaksjonar vart vurderte som økonomisk misleghald, men fleire brot på avtalen vart avdekte. Saka blir avslutta når IPPF har tilbakebetalt Norad sin del, tilsvarande USD 10 463,66, til Norad.
24/00476 / NOREC	Nepal	Award	Manglande lønsutbetaling. USD 940 er tilbakebetalt til prosjektet.