Rapport om økonomiske misleghaldssaker osb. i første kvartal 2024
Rapport | Dato: 15.04.2024 | Utanriksdepartementet
I første kvartal 2024 registrerte Sentral kontrolleining 35 nye saker. Sakene var i hovudsak knytte til mistanke om økonomisk misleghald, medan ein var relatert til mistanke om seksuell utnytting, misbruk og trakassering i samband med tilskotsforvaltinga (SEAH-saker).
I den same perioden vart 25 saker avslutta, blant desse var ei SEAH-sak. Alle tala om økonomiske misleghaldssaker omfattar også saker under Norad og Norec sine ansvarsområde.
Oversikta nedanfor viser dei 15 sakene der det var grunnlag for reaksjon, og som vart avslutta i første kvartal 2024. Det er betalt tilbake til saman 1 657 996 kroner. I tillegg er til saman 677 955 kroner betalte tilbake til prosjekt, noko som inneber at avtalepartnar dekkjer tapet ved å skyta inn eigne midlar.
Oversikta blir utarbeidd som oppfølging av nulltoleransen til regjeringa for økonomisk misleghald og blir ajourført kvart kvartal. For fleire opplysningar blir det vist til Sentral kontrolleining i Utanriksdepartementet, Internrevisjonen i Norad eller til Norec.
|
Saksnr./ ansvar |
Land/region |
Avtalepartnar |
Kort omtale av saka |
|
366 UD |
Uganda |
Uganda Manufacturers Association
|
Organisasjonen kunne ikkje gjera greie for store delar av tilskotet. NOK 308 702 er betalte tilbake til UD.
|
|
1245 Norad |
Kenya |
International planned Parenthood Federation (IPPF)
|
Underslag og anna økonomisk misleghald. NOK 114 700 er betalte tilbake til Norad. |
|
1403 Norad |
Fiji |
International planned Parenthood Federation (IPPF)
|
Svindel. NOK 55 090 er betalte tilbake til Norad. |
|
1427 Norad |
Zimbabwe |
Studentene og Akedemikernes Internasjonale Hjelpefond (SAIH)
|
Lån mellom prosjekt i strid med avtale. NOK 395 562 er betalte tilbake til prosjektet. |
|
1482 Norad |
Mosambik |
Utviklingsfondet |
Korrupsjon og mangelfull dokumentasjon av utgifter hos lokal partnar. NOK 154 450 er betalte tilbake til prosjektet.
|
|
1533 Norad |
Uganda |
Redd Barna |
Forfalsking og mangelfull dokumentasjon av utgifter hos lokal partnar. NOK 48 896 er betalte tilbake til Norad.
|
|
1539 UD |
Venezuela |
Flyktninghjelpen |
Brot på reglar for anskaffing og svak internkontroll knytt til innkjøpet. NOK 1 391 118 er betalte tilbake til UD.
|
|
1543 UD |
Irak |
Norsk folkehjelp |
Svindel, brot på reglar for anskaffing og svak internkontroll knytt til innkjøpet. NOK 1 255 er betalte tilbake til UD.
|
|
1550 Norad |
Nepal |
Utviklingsfondet |
Mangelfull dokumentasjon av innkjøp hos lokal partnar. NOK 34 373 er betalte tilbake til Norad.
|
|
1553 Norad |
Nepal |
Digni/Himalpartner |
Feil belastning av VAT på prosjekter hos lokal partnar. NOK 121 531 er betalte tilbake til prosjektet.
|
|
1584 Norad |
Bangladesh |
Digni/Frelsesarmeen |
Underslag hos lokal partnar. NOK 2 542 er betalte tilbake til Norad.
|
|
1598 Norad |
Tanzania |
Norges Vel |
Lokal partnar kunne ikkje gjera greie for delar av tilskotet. NOK 3 870 er betalte tilbake til prosjektet
|
|
1608 Norad |
Mexico |
Ipas LAC |
Underslag. NOK 121 978 er betalte tilbake til Norad.
|
|
1612 Norad |
Zambia |
Kirkens Nødhjelp |
Brudd på reglar for anskaffing ved landkontoret. NOK 5 221 er betalte tilbake til Norad.
|
|
1637 Norad |
Tanzania |
Robert Carr Civil Society Network Fund |
Mangelfull dokumentasjon av utgifter hos lokal partnar. NOK 3 473 er betalte tilbake til Norad.
|