Frivillig innsats

Gjennom deltaking i frivillige organisasjonar kan nykomne innvandrarar i ein kommune bli kjende med lokalsamfunnet, nye naboar og få høve til å praktisere norsk. Staten bidreg til at frivillig sektor skaper møteplassar og er aktør i integreringsarbeidet, blant anna gjennom ei rekkje tilskotsordningar til innvandrarorganisasjonar og nettverk.  

Regjeringa si Nasjonale integreringskonferanse 

Regjeringa arrangerer ein årleg nasjonal integreringskonferanse. Konferansen har hatt som mål å gi lokale innvandrarorganisasjonar, innvandrarråd og andre aktørar høve til å dele erfaringar og synspunkt direkte med politikarar og forvaltninga.