Samstundes blir posten flytta frå Kultur- og likestillingsdepartementet til Kommunal- og distriksdepartementet. Kommunal- og distriktsminister Bjørnar Skjæran grunngjev det med at Arctic Race of Norway skapar store positive ringverknader i Nord-Noreg og bidreg til å styrkje nordområdesatsinga til regjeringa.

– Arctic Race of Norway er eit viktig idrettsarrangement som skaper positive ringverknader, engasjement og utvikling i lokalsamfunn, reiseliv og næringsliv i Nord-Noreg, seier kommunal- og distriktsminister Bjørnar Skjæran.

Arrangementet vart først gjennomført i 2013. Det er etablert som ei stor idrettshending i Noreg og eit av dei viktigaste internasjonale sykkelritta i Skandinavia. 

– Arrangementet bidreg til meir samarbeid mellom fylkeskommunar, kommunar, næringsliv, utdanningsinstitusjonar, Forsvaret, politiet og frivillige organisasjonar. Tilskotet skal gi positive bidrag til lokalsamfunna som er ein del av arrangementet, og bidra til gode opplevingar for deltakarane, publikum og frivillige, seier Skjæran. 

Arctic Race of Norway har fått stor merksemd internasjonalt.

– Det skal vi vere stolte av. Arrangementet viser fram Nord-Noreg til resten av verda, har skapt aktivitet i store og små lokalsamfunn, og styrkt næringslivet. Det er viktig for landsdelen. Eg ser fram til at enda fleire skal få oppleve idrett, kultur og natur i Finnmark både som publikum og gjennom TV-sendingane, seier Skjæran.