Midlane skal gå til bruk av det isgåande forskingsfartøyet Kronprins Haakon, styrkt forskingsleiing på Svalbard og trygg transport til Trollstasjonen i Antarktis.

– Norsk polarforsking spelar ei viktig rolle for å forstå endringane i naturen og klimaet i Arktis og Antarktis. Med denne satsinga følgjer vi opp nordområdestrategien og styrkjer Noreg si rolle som ein leiande polarnasjon, seier klima- og miljøminister Andreas Bjelland Eriksen.

Løyvinga omfattar:

  • 33,7 millionar kroner til drift og bruk av Kronprins Haakon, som skal leggje til rette for regelmessige forskningstokt i Arktis og Antarktis.
  • 7 millionar kroner til styrkt norsk forskingsleiing på Svalbard. Norsk Polarinstitutt leier Ny-Ålesund forskingsstasjon og skal samarbeide med Forskningsrådet om Svalbard forskingskontor frå 2026.
  • 9,3 millionar kroner til trygg sjøtransport av forsyningar og materiell til Trollstasjonen i Dronning Maud Land, der krevjande vêr- og isforhold gjer logistikken ekstra utfordrande.