Energiminister Terje Aasland har møte med Polens energiminister Miłosz Motyka. Tema for møtet er energisamarbeidet mellom Noreg og Polen. Motyka er i Oslo i samband med 25-årsmarkeringa for Gassco.

Det er mogleg å fotografere ved starten av møtet. Etter møtet, om lag kl. 13.45, er Aasland og Motyka tilgjengelege for presse. Møtet går føre seg i representasjonslokala i A-blokka i det nye regjeringskvartalet.

Presse som ønskjer å dekke besøket må melde seg på til info@ed.dep.no innan måndag 18. mai kl. 10.00. Ta med pressekort og gyldig ID (pass, nasjonalt ID-kort eller fysisk førarkort).

Pressekontakt er kommunikasjonsrådgivar Fanny Løvholm, telefon 40 24 87 43, e-post fanny.lovholm@ed.dep.no.