Utlysinga rettar seg mot prosjekt innan utvinning, prosessering og resirkulering av kritiske råvarer, og har søknadsfrist 15. januar 2026.

Selskap som ønskjer å søkje, må sende inn søknaden sin direkte til Europakommisjonen via den digitale søknadsplattforma. Evalueringa av søknadene vil bli gjennomført av eksterne ekspertar.

I samband med utlysinga arrangerer Europakommisjonen eit informasjonsmøte for relevante aktørar 9. oktober 2025. Meir informasjon om utlysinga og påmelding til informasjonsmøtet finst på nettsidene til Europakommisjonen:  Strategic projects under the CRMA - European Commission

Strategiske prosjekt er ein sentral del av CRMA og har som mål å styrkje motstandskrafta til EU ved å sikre tilgang til råvarer som er avgjerande for den grøne og digitale omstillinga. I den første utlysinga fekk to norske prosjekt tildelt strategisk status: Nussir ASA/Blue Moon Metals og Norgraph/GreenRoc Strategic Materials PLC. Les meir: To norske prosjekter får strategisk EU-status - regjeringen.no

Noreg støttar CRMA og har som mål at rettsakta skal takast inn i EØS-avtalen, då den i det vesentlege blir rekna som EØS-relevant og i samsvar med norske interesser.