Bankane tilbyr ulike innskotsprodukt. Prisopplysningar på Finansportalen og medieoppslag den siste tida viser at renta på innskot varierer mykje, og det er for enkelte produkt stilt spørsmål ved rimelegheita i vilkåra som vert tilbydde, samanlikna med det alminnelege rentenivået.

Finansdepartementet har i dag bede Finanstilsynet om å gjere greie for bankane sine produkt og vilkår i innskotsmarknaden og vurdere bankane si etterleving av regelverket. Finanstilsynet skal også vurdere om dagens regelverk i tilstrekkeleg grad ivaretek omsyn til forbrukarane. Finanstilsynet skal gje sine vurderingar til departementet innan 19. februar 2026.

Les oppdragsbrevet her: