Presseinvitasjon:

Helse- og omsorgsministeren held fram sommerturnéen - besøker sjukehus i Agder, Vestfold, Telemark, Buskerud, Helgeland, Innlandet, Oslo, Akershus og Østfold i uke 31

Nyheit | Dato: 25.07.2025 | Sist oppdatert: 30.07.2025 | Helse- og omsorgsdepartementet

Helse- og omsorgsminister Jan Christian Vestre er imponert over arbeidet som er gjort på sjukehusa det siste året for å få ned ventetidene. I tre veker reiser han på besøk til sjukehus over heile landet for å høyre korleis dei har jobba for å få det til og korleis dei skal jobbe framover for å halde ventetidene låge. Turen har no kome til sjukehusa i Helse Sør-Aust, samt ein tur til Mo i Rana som blei utsett under turen han hadde til Nord-Noreg forrige veke.

Ventetidsløftet blei lansert i mai i fjor, med eit klart mål om ein markant reduksjon i ventetidene. Prosjektet gir resultat. Helsekøane er rekordlåge, og ventetidene er på eit historisk lågt nivå. Sjukehusa har gjennomført ei rekke tiltak som til dømes utvida opningstider, innføring av KI og digitale løysingar, ansvars- og oppgåvedeling, fjerning av tidstjuvar, betre pasientflyt og organisering og meir samarbeid med ideelle og private. I sum har dette gitt meir effektive pasientforløp.

– Dei tilsette har verkeleg stått på for å gi heile befolkninga raskare helsehjelp. Eg er stolt av sjukehusa våre og brukar sommaren på å reise rundt og besøke dei fleste av dei for å høyre korleis dei har jobba med ventetider og kva planane framover er for at ventetidene skal bli varig låge, seier helse- og omsorgsministeren.

Pressa er velkomen til å vere med på besøka på Vestre sin sommarturné, som også vil omfatte andre besøk og tema, som til dømes regjeringas neste store prosjekt Prosjekt X.

Regjeringa meiner det er behov for ei helseform for meir heilskapleg og samanhengande helsetenester på tvers av forvaltningsnivåa, slik at folk slepp å bli kasteballar i systemet. Som eit ledd i dette arbeidet, har regjeringa og KS blitt einige om ein avtale om å løfte fram utvalde prosjekt der kommunar og sjukehus prøver ut nye måtar å organisere tenestene på. Fleire av desse vil bli lansert på turen.

Program veke 31

Måndag 28. juli: Flekkefjord og Kristiansand

08.00–09.00: Besøk på Sørlandet sjukehus Flekkefjord
11.30–12.30: Besøk på Sørlandet sjukehus Kristiansand
12.30–13.00: Besøk på Valhalla helsesenter i Kristiansand for å høyre om arbeidet med kommunal nettlege. Adresse: Marviksveien 20.

Tysdag 29. juli: Tønsberg, Skien, Kongsberg

09.00–10.00: Besøk på Sjukehuset i Vestfold
11.30–12.30: Besøk på Sjukehuset Telemark i Skien
14.15–15.30: Besøk på Kongsberg sjukehus

Onsdag 30. juli: Mo i Rana

09.30–10.30: Besøk på Helgelandssjukehuset Mo i Rana

Torsdag 31. juli: Oslo, Akershus, Østfold

10.00–11.00: Besøk på Oslo universitetssjukehus Rikshospitalet
11.30–12.30: Besøk på Akershus universitetssjukehus
14.00–15.00: Besøk på Sjukehuset Østfold Kalnes

Pressekontaktar

Kommunikasjonsrådgivar Elisabeth Johansen, mobil 99607525, e-post: elisabeth.johansen@hod.dep.no.
Statssekretær Bhanuja Rasiah, mobil 98026561, e-post: bhanuja.rasiah@hod.dep.no

Program veke 30

Onsdag 23. juli: Harstad og Nordreisa

08.00–09.00: Besøk på UNN Harstad
15.30–17:00: Besøk på DPS Nord-Troms i Nordreisa

Torsdag 24. juli: Bodø og Lofoten

09.00–10.30: Besøk på Nordlandssjukehuset Bodø
13.45–15.00: Besøk på Nordlandssjukehuset Lofoten

Program veke 29

Måndag 14. juli: Haugesund, Bergen, Voss

08.00–09.00: Helse- og omsorgsministeren treff pressa i Haugesund sentrum
13.00–14.30: Besøk på Haukeland universitetssjukehus i Bergen
17.30–18.30: Besøk på Voss

Tysdag 15. juli: Sogndal, Førde, Volda

08.00–09.45: Besøk i Sogndal
11.30–12.30: Besøk på Førde sentralsjukehus
17.00–19.00: Opplegg med Arbeidarpartiet i Volda

Onsdag 16. juli: Volda, Ålesund, Molde

08.00–09.00: Besøk på Volda sjukehus
11.00–12.00: Besøk på Ålesund sjukehus
15.00–16.00: Besøk hjå Sjukehuset Nordmøre og Romsdal

Torsdag 17. juli: Trondheim og Levanger

10.00–11.00: Besøk på St. Olavs hospital
12.30–13.30: Besøk på Sjukehuset Levanger