Kultur- og likestillingsdepartementet sin nynorskpris for journalistar er ein prestisjetung pris som går til ein dyktig journalist som har utmerkt seg med bruk av levande og god nynorsk i norske medium, og som gjennom arbeidet sitt har gjeve nynorsken status og innpass på nye område. Prisen på 75 000 kroner og eit kunstverk blir delt ut kvart år.

Send inn dine forslag til kandidatar via nettsida til NRK. Skriv ei utfyllande grunngjeving for kvifor kandidaten din bør vinne prisen. Jo betre grunngjeving – jo større er sjansen for at kandidaten din når opp. Journalistane kan jobbe innanfor både aviser, radio, TV m.m.: Send inn forslag til nynorskprisen for journalistar! – Nynorsk mediesenter 

Om nynorskprisen

NRK Nynorsk mediesenter er uavhengig sekretariat for Kultur- og likestillingsdepartementets nynorskpris for journalistar. Den uavhengige juryen er og oppnemnd av departementet. 

Juryen som skal finne fram til ein vinnar er Jens Kihl (journalist og frontsjef i Bergens Tidende), Unn Røyneland (professor i nordisk språkvitskap og fleirspråklegheit ved Universitet i Oslo) og Arill Riise (pensjonist, tidlegare journalist og programleiar i TV 2).