Utvalgte hurtiglenker

    Nyheter

    Lisensfelling utanfor ulvesona er stadfesta

    Nyhet | Dato: 26.11.2021 | Klima- og miljødepartementet

    Dette innholdet er mer enn 2 år gammelt.

    Klima- og miljødepartementet har behandla klager på rovviltnemndene sine vedtak om lisensfelling av inntil 26 ulvar utanfor ulvesona. Vedtaka er i all hovudsak stadfesta. Lisensfelling av ulv utanfor ulvesona startar 1. desember.

    Ulv i Norge
    Deler av den felles skandinaviske ulvebestanden lever i Norge. Ulven forvaltes etter fastsatte bestandsmål for å sikre arten og begrense skade på dyr. Foto: Lars Gangås, SNO/Miljødirektoratet.

    – Klima- og miljødepartementet har behandla klager på rovviltnemndene sine vedtak om lisensfelling av inntil 26 ulvar utanfor ulvesona. Vi har ikkje funne grunnlag for å endre vedtaka. Dei er difor endelege, seier klima- og miljøminister Espen Barth Eide.

    Klagene som er behandla, er knytt til:

    • region 1 (Vestland, Rogaland og Vest-Agder)
    • region 2 (Buskerud, Vestfold og Telemark og Aust-Agder)
    • region 3 (Oppland)
    • region 6 (Trøndelag og Møre og Romsdal),
    • region 4 utanfor ulvesona (Østfold, Akershus og Oslo)
    • region 5 (Hedmark)

    Totalkvote på 26 dyr utanfor ulvesona

    Til saman er kvotene i desse områda på 26 ulvar.

    Klima- og miljødepartementet har, i tråd med Miljødirektoratet si faglege tilråding og vedtaka frå rovviltnemndene, komme fram til at vedtatt kvote på til saman inntil 26 ulvar utanfor ulvesona ikkje trugar den sør-skandinaviske ulvebestanden si overleving.

    Vedtaka er i tråd med bestandsmåla, lovverket og Bernkonvensjonen. I denne vurderinga er alle lisensfellingskvotene for ulv utanfor ulvesona i de ulike regionane sett i samanheng.

    – Den samla kvota på inntil 26 ulvar utanfor ulvesona er sett for at det skal vere mogeleg å felle ulv i alle rovviltregionar om det skulle dukke opp dyr der i løpet av vinteren. Det betyr ikkje nødvendigvis at det vil fellast so mange ulvar, seier klima- og miljøminister Espen Barth Eide.

    Kvotene i dei ulike regionane

    Lisensfellingsperioden utanfor ulvesona varar frå 1. desember til 31. mai.

    • I region 1 er kvota 3 dyr.
    • I region 2 er kvota 2 dyr.
    • I region 3 er kvota 7 dyr.
    • I region 4 og 5 utanfor ulvesona er kvota 12 dyr.
    • I region 6 er kvota 2 dyr.

    Les meir (PDF-filer)

    Til toppen