Nina Cecilie Kulås utnemnd som direktør for Direktoratet for forvaltning og økonomistyring (DFØ)

Kulås er utdanna siviløkonom frå Norges Handelshøyskole og har i tillegg ein mastergrad i internasjonale relasjonar frå University of New South Wales i Sydney. Ho har sidan september 2022 vore direktør for innovasjon og partnerskap i Kulturdirektoratet. Hennar tidlegare leiarerfaring er primært frå privat sektor, mellom anna har ho vore administrerande direktør i Norstat. Kulås har erfaring innan strategisk leiing, organisasjonsutvikling, digital transformasjon og brukarorientert tenesteutvikling.

Kulås vil tiltre i stillinga frå det tidspunktet Finansdepartementet bestemmer.