Ny leiar i Rikslønnsnemnda
Historisk arkiv
Publisert under: Regjeringen Solberg
Utgjevar: Arbeids- og sosialdepartementet
Nyheit | Dato: 19.02.2016
Kongen i statsråd har i dag oppnemnd medlemer og varamedlemer i Rikslønnsnemnda for perioden 1. mars 2016 til 28. februar 2019. Sorenskrivar Liv Synnøve Taraldsrud er oppnemnd som ny leiar i nemnda.
Direktør Anne-Britt Evensen Norum er gjenoppnemnd som nøytralt medlem, og seniorforskar Erling Barth er oppnemnd som den tredje nøytrale medlemen i nemnda.
Nestleiar Tor-Arne Solbakken frå LO og forhandlingsdirektør Rolf Negård frå NHO held fram som representantar for arbeidstakar- og arbeidsgivarinteresser i tvistar etter arbeidstvistlova.
Tone Rønholdtangen, leiar i LO Stat, held fram som representant for tjenestemannsinteressene i tvistar etter lova om offentlege tjenestetvister. Personaldirektøren i staten, Gisle Norheim, er ny representant for staten sine interesser.
Om Rikslønnsnemnda
Rikslønnsnemnda er oppretta med heimel i lov om lønnsnemnd i arbeidstvistar og lov om offentlege tjenestetvistar. Rikslønnsnemnda handsamar interessetvistar som partane i ein tvist ønsker at nemnda skal avgjere, og tvistar som Stortinget vedtar skal løysast ved tvungen lønnsnemnd.