– Det er så mange dyktige kulturaktørar rundt om i landet og no aukar vi driftstilskotet til ei rekke musikk- og scenekunstinstitusjonar, seier kultur- og likestillingsminister Lubna Jaffery.

Til saman vert det sett av om lag 3,5 milliardar kroner til musikk- og scenekunstinstitusjonane for neste år.

Auken på 28,8 millionar kroner går mellom anna til orkester, regionteater, region-/distriktsopera og til å dekke auka utgifter ved nokre institusjonar som skal ta i bruk nybygg.

– Vi vil at alle i Noreg skal ha tilgang på kunst og kultur der dei bur og at institusjonane kan halde fram med å utvikle gode tilbod til publikum, seier Jaffery.

Verksemd

Beløp (1 000 kroner)

Bergen Nasjonale Opera – kunstnarleg aktivitet

1 500

BIT Teatergarasjen – innflytting Sentralbadet Scenekunsthus

3 000

Carte Blanche – innflytting Sentralbadet Scenekunsthus

4 000

Kloden teater – budsjettauken frå 2025 vidareførast for 2026

3 000

Musikkselskapet Harmonien – drift og kunstnarleg aktivitet

4 000

Opera Nordfjord – kunstnarleg aktivitet

500

Opera Østfold – kunstnarleg aktivitet

1 000

Operaen i Kristiansund – innflytting Normoria

3 000

Oslo-Filharmonien – drift og kunstnarleg aktivitet

2 000

Stavanger Symfoniorkester – operaverksemd

2 000

Teater Vestland – drift og kunstnarleg aktivitet

1 000

Trondheim Symfoniorkester & Opera – operaverksemd

1 000

Turnéteatret i Trøndelag – turnéverksemd

750

Unge Viken Teater – drift og kunstnarleg aktivitet

500

Østfold Internasjonale Teater – drift og kunstnarleg aktivitet

1 500

I tillegg går 10 millionar kroner til ei satsing på dans for å styrkje den regionale infrastrukturen for utvikling og visning av profesjonell dans.